Avstralııanyń Melbýrn qalasynda jol apatynan jaraqat alǵan kengýrý áýejaıdyń ekinshi qabatynda ornalasqan dárihanaǵa óz betinshe keldi. Bul týraly Lenta.ru habarlady.
Kengýrý avtokóliktiń astyna túsip, aıaǵyn jaraqattap alǵan eken. Onyń jaraqatyn tekserip shyqqan Avstralııa qorshaǵan ortany qorǵaý qoǵamynyń eriktileri asfaltqa sekirgendikten, onyń tyrnaqtary qatty syrylyp ketkenin aıtady.
Kengýrýdyń qalaǵan ýaqytynda dárihana ishinen qashyp ketýine múmkindigi bolǵanymen, ádeıi kómek kútkendeı eshqaıda kete qoımaǵan eken. Biraz ýaqyttan soń qorshaǵan ortany qorǵaý qoǵamynyń eriktileri kelip, janýardy mal dárigerine alyp ketken.
«Kengýrý jaraqat alǵan soń, óziniń qaýipsizdigin oılap, dárihanaǵa ádeıi kelgen kórinedi», – deıdi Melbýrn áýejaıynyń baspasóz hatshysy Anna Djıllet.
Aıdar О́risbaev.