Qoldaý maqsatynda memleket shaǵyn jáne orta bıznestiń 29 sanatyn 2020 jyldyń 1 qazanyna deıin jaldamaly qyzmetkerlerdiń MÁMS jarnalaryn tóleýden bosatty. MÁMS jarnalaryn tóleýden bosatylǵan shaǵyn jáne orta kásipkerlik sýbektileriniń tizimin Qazaqstan Respýblıkasy Úkimetiniń 2020 jylǵy 20 sáýirdegi qaýlysynan tabýǵa bolady. Bul týraly elorda ákimdiginiń baspasóz qyzmetine silteme jasaı otyryp Egemen.kz habarlaıdy.
Jeńildik kezeńinde jumyskerlerdi saqtandyrý maqsatynda jumys berýshi úshin kelesi sharalar algorıtmi jasaldy. Memlekettik kirister komıtetiniń saıtynyń msb.fms.kz/login siltemesin qarańyz.
"SAQTANDYRY aqparattyq júıesine zańdy tulǵanyń nemese jeke kásipkerdiń elektrondy sıfrlyq qoltańbasymen tirkelý qajet. Paıdalanýshy kelisimine qol qoıyńyz. Jeke kabınetke ótip, kelesi derekterdi toltyryńyz: elektrondy poshta, telefon nómiri jáne uıym túri. Faıldy ımporttaý (EXCEL) arqyly qyzmetkerlerdiń JSN qosyńyz nemese jol boıynsha engizińiz. Keıinnen málimetterdi jańartyp otyrý kerek. Eger shaǵyn jáne orta kásipkerlik jumyskeriniń derekteri SAQTANDYRY júıesine kirmese, onda ol QOLDAU 24/7 qosymshasyn AppStore nemese Play Market-ten júkteý arqyly ózdiginen engize alady", deıdi ázirleýshiler.
Jumys berýshiler ár aıdyń 25-nen keshiktirmeı qyzmetkerlerdiń tizimin elektrondy formatta usynýy kerek. Shaǵyn jáne orta kásipkerlik kásiporyndary kelesi algorıtmdi ustanýy qajet.
"Tirkelip, elektrondy poshta meken-jaıy, tegińiz, atyńyz, JSN, telefon nómirińizdi kórsetińiz, tómengi oń jaq buryshtaǵy "Bizge jazyńyz" túımesin basyńyz. "Keńes berý" sanatyn, turatyn aımaqty tańdańyz. "О́tinim mátini" jolaǵynda jumys berýshiniń BSN/JSN jáne qyzmetkerdiń JSN kórsetiledi. Jumysqa qabyldaý týraly buıryqty tirkep, "Habarlama jiberý" túımesin basyńyz, "1406" baılanys ortalyǵyna ótinishter" bólimindegi ótinimniń kúıin tekserińiz", deıdi sarapshylar.
Aıta keteıik, MÁMS júıesindegi kúı 30 mınýt ishinde jańartylady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.