Oksford Ýnıversıteti AstraZeneca kompanııasymen birlesip jasap jatqan COVID-19 vaksınasyn synaýdy qaıta qolǵa aldy. Zerthanalar vaksınanyń keri áseri týraly habar alǵannan keıin jumysyn toqtatqan bolatyn. Senbide ýnıversıtet basshylyǵy vaksınanyń qaýpi joǵy dáleldengenin, jumys jalǵasatynyn habarlady.
«Bul úzilis qaýipsizdik pen adamdardyń densaýlyǵyn birinshi orynǵa qoıatynymyzdy kórsetti. Zertteýshilerimizdi tıimdi vaksına jasaý jumysyna qaıta jınaımyz», dedi Densaýlyq hatshysy Mett Hankok.
Sonymen birge ýnıversıtet ókilderi mundaı nátıjeniń aldyn ala boljanǵanyn da habarlady. Olardyń aıtýynsha, synama jasalǵandardyń ishinde birnesheýiniń shaǵym túsirýi qalypty ári kútilgen jaǵdaı. Budan ári Ulybrıtanııa Dári-dármek jáne densaýlyq saqtaý ónimderin qadaǵalaý agenttiginiń usynystarymen jumysty jalǵastyratynyn málimdedi.
Al DDU buǵan deıin vaksına synalǵan 180 adamnyń áli eshqaısysynda klınıkalyq synaq merzimin aıaqtamaǵanyn habarlady. Ýnıversıtet qyzmetkerleri daıyndalyp jatqan vaksınanyń tıimdi bolatynyna senetinin jáne satylymǵa shyǵatynyna úmitti ekenin aıtty. «1 jáne 2-synalymdar jasaldy. Endi 3-synalym sátti bolyp, vaksına áserin kóremiz dep senemiz», deıdi olar. 3-synalymǵa AQSh, Ulybrıtanııa, Brazılııa men Ońtústik Afrıkadan, jalpy alǵanda 30 myńǵa jýyq qatysýshy shaqyrylǵan.