Nur Otan partııasynyń qoǵamdyq qabyldaý bólmesi Saılaý týraly zańǵa sáıkes jumystyń jańa formatyna kóshti, dep habarlaıdy partııanyń baspasóz qyzmeti.
Sonymen, 2021 jyldyń 11 qańtaryna deıin qoǵamdyq qabyldaýlarda depýtattar men memlekettik organ basshylarynyń jeke qabyldaýlaryn ótkizý toqtatyldy. Advokattardyń, zańgerlerdiń, notarıýstar men medıatorlardyń konsýltasııalaryn ótkizý de toqtatyla turady. Partııanyń jedel jelileri saılaý aıaqtalǵanǵa deıin tek anyqtamalyq aqparat beredi.
Aıta keteıik, jyl basynan beri "Nur Otan" partııasynyń qoǵamdyq qabyldaý bólmesine 356 myńnan astam ótinish kelip túsken. 177 myń másele oń sheshimin tapty. 174 myń adamǵa túsinikteme berilip, 5 myńǵa jýyǵy oryndalýda. 462 onlaın-qabyldaý ótkizildi.
Partııanyń baspasóz qyzmeti Otbasy, áıelder jáne balalardyń quqyqtaryn qorǵaý máseleleri boıynsha "111 shuǵyl qyzmetiniń" úzdiksiz jumysyn qamtamasyz etý maqsatynda osy qyzmetti basqarý "Pravo" qoǵamdyq qoryna berilgenin habarlady.
"111 shuǵyl qyzmeti" táýlik boıy, demalyssyz jumys isteıdi. Barlyq ótinishterdiń qupııalyǵy saqtalady.