Nursultan Nazarbaev: «Bolashaq» – bizdiń senimdi strategııalyq tańdaýymyz

Keshe Astanada «Bolashaq» halyqaralyq baǵdarlamasynyń 20 jyldyǵyna arnalǵan forým ótti. Oǵan Elbasy Nursultan Nazarbaev qatysyp, sóz sóıledi.

Keshe Astanada «Bolashaq» halyqaralyq baǵdarlamasynyń 20 jyldyǵyna arnalǵan forým ótti. Oǵan Elbasy Nursultan Nazarbaev qatysyp, sóz sóıledi.

Keshe elordadaǵy Táýelsizdik saraıynda Bilim jáne ǵylym mınıstrligi men «Halyqaralyq baǵdarlamalar or­talyǵy» aksıonerlik qoǵamynyń uıymdastyrýymen «Bolashaq» ha­lyq­­ara­lyq stıpendııasynyń 20 jyl­dyǵyna arnalǵan «Bolashaq» stıpendıattary men túlekteriniń forýmy bolyp ótti. Oǵan aımaqtardan 1500-ge jýyq «Bolashaq» túlekteri, Prezıdent Ákimshiliginiń, sondaı-aq, el Úkimetiniń ókilderi men Parlament depýtattary, dıplomatııalyq ókildikterdiń basshylary, oqý oryndarynyń, ǵylymı ortalyqtardyń jetekshileri qatysty. Mereıtoılyq jıynǵa qatysýshylar «Qazaqstan-2050» Strategııasynan týyndaıtyn mindetterdi áńgime arqaýyna aınaldyryp, ótken 20 jyldyń qory­tyndylaryn tilge tıek etti, osy oraıda alda atqarylar isterdiń kókjıegin aıqyndady.

Forýmǵa Elbasy Nursultan Nazar­baev qatysyp, sóz sóıledi.

Memleket basshysy óz só­zin­de forýmǵa qatysýshylardy «Bolashaq» baǵdarlamasynyń 20 jyldyq mereıtoıymen­ qut­tyqtady jáne onyń ege­men Qazaqstan tarıhyna altyn árip­termen jazylatyn betterdiń biri ekenin atap ótti.

Budan 20 jyl buryn, táýel­sizdiktiń qıyn dáýiriniń bastapqy jyldarynda bizdiń laıyqty bolashaǵymyzdy kóre bilý árkimge buıyra qoıǵan joq. Men jańa bilim alyp, elimizdi alǵa aparýlary úshin alǵashqy stıpendıattardy jiberdim. Ekonomıka kúıreý jaǵdaıynda turdy, is júzinde barlyq iri óndiris oryndary toqtap qaldy. Inflıasııa birden ósip ketti, jumyssyzdyq kóbeıdi. El «jabaıy kapıtalızmge» endi. Ol kezde biz naryqtyq qatynastarǵa jańa ǵana óte bastadyq. Onyń ne ekenin bilgender az edi. Tipti eń tájirıbeli basqarýshylardyń jańa ekonomıkalyq jáne áleý­mettik prosesterdi qalaı basqarý, egemen memleketti qalaı qurý týraly túsiniginiń ózi buldyr bolatyn. Ol kezde elimizde jańa naryqtyq ekonomıkaǵa kóshý jóninen mamandar bolǵan joq. Táýelsiz Qazaqstanǵa halyqaralyq deńgeıdegi sapaly bilimi bar kásibı kadrlar óte qajet boldy. Jekeshelendirý júrgizip, elimizge ınvestısııa tartý kerek boldy. Bul bizdiń senimdi strategııalyq tańdaýymyz edi. Biz muny, mine, 20 jyldan beri basshylyqqa alyp kelemiz, dedi Nursultan Nazarbaev.

Qazaqstan Prezıdenti res­pýblıkamyz 15 jyl ishinde «Qazaqstan-2030» Strategııasyn tabysty iske asyra otyryp, tańdanarlyqtaı nátıjelerge jetkenin, endi eń damyǵan 30 eldiń qataryna kirý maqsatyn alǵa qoıyp otyrǵanyn aıtty.

Osy jyldar ishinde taqyr jerden serpindi damý baspaldaǵyna túsken shaǵyn jáne orta bızneske negizdelgen tıimdi ekonomıkanyń negizi qalandy, dep jalǵastyrdy sózin Elbasy. Áleýmettik salada da úlken ózgerister oryn aldy. Qazaqstandyqtardyń ómir súrý deńgeıi birneshe ese artty. Ǵylym jáne bilim berý salasynda halyqaralyq standarttardy engize otyryp, túbegeıli ózgertý máselesi oıdaǵydaı júzege asyrylýda.

Qazaqstanda memlekettik qyzmetkerlerdiń, ulttyq jáne jekemenshik kompanııalardyń top menedjerleriniń kásibı býy­ny qalyptasty. Qazaqstan álemdegi básekege qabiletti 50 eldiń quramyna kirdi. Bul mindetti men 2005 jyly qoıǵan bolatynmyn. Osydan bir jyl buryn, «2030-Strategııasynyń» oryndalýyna baılanysty men Qazaqstannyń 2050 jyldarǵa deıingi Damý strategııasyn alǵa qoıdym. Bul memleket óziniń aldyna osyndaı uzaq merzimge arnalǵan maqsat qoıyp, óz qyzmetiniń bolashaq vektoryn aıqyndaıtyn álemdegi eń ozyq mysaldardyń biri bolsa kerek. Bizdiń aldymyzda jańa maqsattar tur. 2050-Strategııalyq baǵdarlamasyndaǵy basty mindet – elimizdiń álemdegi eń damyǵan 30 eldiń qataryna kirýi bolyp tabylady.

Bul úderis jalpy ishki ónimniń jan basyna shaqqandaǵy ósimin ǵana qarastyryp qoımaıdy. Bul – ómir súrý sapasyn arttyrýdy, adam kapıtalyn damytýdy qosa túgel qamtıtyn baǵdarlama. Bizdiń ekonomıkamyz ınnovasııalyq ındýstrııalandyrý jolyna tústi. Bul – tarıhı jetistik. Mun­da «Bolashaq» baǵdarlamasy túlekteriniń laıyqty úlesi bar, – dedi Memleket basshysy.

Nursultan Nazarbaev 1994 jyly «Bolashaq» baǵdarla­masynyń alǵashqy 187 stıpendıaty shetelge bilim alýǵa keter aldynda olarǵa óziniń sáttilik tilegenin aıtty.

Búginde baǵdarlamaǵa qa­tysýshylar qatary 10 myń adamnan asty. «Bolashaq» baǵdarlamasy elimizdiń damýynda zor ról atqardy. Eń aldymen, olar – ekonomıka, bilim, ǵylym, densaýlyq saqtaý, ulttyq mádenıet pen óner salalary úshin jańa kadrlar. Baǵdarlama túlekteriniń árbir ekinshisi búginde jekemenshik jáne memlekettik sektordaǵy Qazaqstan kompanııalarynda jumys isteıdi. 19 paıyzy – ulttyq kompanııa­lar menedjerleri. 4 paıyzǵa jýyǵy – halyqaralyq uıymdarda, sondaı-aq, Qazaqstannyń úkimet­tik emes uıymdarynda eńbek etedi. Jalpy, túlekterdiń tórtten úshi ekonomıkanyń naqty sektorynda jáne azamattyq qoǵam ınstıtýttarynda qyzmet atqarady. Memlekettik mekemeler men uıym­darda «bolashaqtyqtardyń» 25 paıyzǵa jýyǵy eńbek etýde. Sonyń ishinde, memlekettik basqarý júıesinde júrgenderi – barlyq túlekterdiń 19 paıyzy. Búginde «Bolashaq» bo­ıynsha 2 myńǵa jýyq ınjener-tehnık mamandar daıarlandy. Olar – ınnovasııalyq jobalar men tehnologııalar, metallýrgııa, telekommýnıkasııa, energetıka­ salalarynyń qyzmetkerleri. Indýstrııalyq-ınnovasııalyq baǵdarlamany júzege asyrý – Qazaqstandy shıkizattyq táýeldilikten alyp shyǵatyn múlde jańa kásip­oryndardy qurý. Jalpy, gý­manı­tarlyq jáne ınjenerlik-tehnıkalyq mamandyqtardyń teńgerimine qol jetkizildi, – dedi Qazaqstan Prezıdenti.

Memleket basshysy baǵdarlama stıpendıattarynyń úshten ekisi derlik memlekettik emes qurylymdar jumyskerleriniń, zeınetkerlerdiń balalary ekenine nazar aýdardy. Qatysýshylardyń 8 paıyzynyń ata-analary stıpen­dııaǵa ıe bolý kezeńinde múlde jumyssyz bolǵandar, al 200-den astam stıpendıat – ata-anasyz qalǵan talantty jastar.

Sondaı-aq, Nursultan Nazar­baev respýblıkanyń barlyq óńiri úshin kadrlar daıarlaýdyń mańyzdylyǵyn atap kórsetti.

Budan bes jyl buryn, baǵ­darlamanyń 15 jyldyǵyna arnalǵan forýmda men óńirler­de turatyn jastar úshin stıpen­dııaǵa qoljetimdilikti arttyrý maqsatynda oǵan túzetýler en­gizý mindetin qoıdym. Búginde, mine, barlyq qatysýshynyń teń jar­tysy – Qazaqstannyń ob­lys­ta­ry turǵyndary. Oqýlaryn aıaq­taǵan soń olar negizinen týǵan qalalarynda jumysqa or­­na­lasady. Bul óte mańyzdy. «Bo­lashaq» stıpendıattarynyń barlyǵy «Shanhaı reıtınginiń» ondyǵyna kiretin álemniń jetekshi ýnıversıtetterinde bilim alýda. Munyń bári «Bolashaq» baǵ­darlamasynyń joǵary nátı­je­liligin bildiredi. Sonyń arqasynda Qazaqstannyń talantty jastary úshin «áleýmettik lıft» jasaldy. Álemdik ǵylym-bilim ortalyqtarynda oqý arqasynda elimizde jas ǵalymdardyń, pedagogtardyń, menedjerlerdiń jańashyl ortasy ósip-jetilýde, – dedi Qazaqstan Prezıdenti.

Memleket basshysy búginde halyqaralyq «Bolashaq» baǵdar­lamasy bilim berý júıesiniń lo­komotıvine aınalǵanyn erekshe atap ótti.

Bir jaǵynan, Qazaqstannyń ekonomıkalyq jáne áleýmettik keńistigine álemdik tehnologııa­lar transfertiniń magıstrali tartyldy. Ekinshi jaǵynan, álem bizdiń stıpendıattar arqyly Qazaqstan, onyń halqy, mádenıeti men dástúrleri, elimizdiń múm­kindikteri men áleýeti týraly kóbirek bile tústi. «Bolashaq» baǵdarlamasynyń arqasynda biz jahandyq elıta daıarlaýdyń álemdik júıesine qosyldyq. Bul – Táýelsizdik dáýirinde qa­zaqstandyqtardyń jańa býynyn qalyptastyrý jónindegi meniń josparymnyń asa mańyzdy bóligi. 2010 jyly álemdik deńgeıdegi joǵary oqý orny – Nazarbaev Ýnıversıtetiniń ashylýy Qazaq­stannyń dúnıejúzilik bilim eksporttaýshysyna aınalýynyń basy boldy. Búginde Nazarbaev Ýnıversıtetinde 200-den astam «Bolashaq» túlegi jumys isteıdi. «Bolashaq» baǵdarlamasy tú­lekteriniń qaýymdastyǵy belsendi qyzmet jasaýda. Búginde búkil álemniń damýy konteksinde, biz­diń «Qazaqstan-2050» Stra­tegııamyzdyń konteksinde halqymyzdyń aldyna qoıylyp otyrǵan jańa mindetterdi kóre bilý mańyzdy, – dedi Nursultan Nazarbaev.

Sizderdiń bul baǵdarlamany biletindikterińizge, onda qoıylǵan barlyq mindettermen jan-jaq­ty tanysqandaryńyzǵa men senimdimin. О́zimniń dástúrli, jyl basyndaǵy Joldaýymdy men osy baǵdarlamany qalaı is júzine asyratyndyǵymyzǵa, ol úshin ne isteıtindigimizge, qandaı resýrstardy paıdalanatynymyzǵa arnaıtyn bolamyn. Men búgin sizderdiń sóılegen sózderińizden usynystaryńyz ben pikirlerińizdi estýge, bizdiń Otanymyzdyń bo­lashaǵy úshin, barlyq qazaq­stan­dyqtardyń gúldenýi úshin osy baǵdarlamany is júzi­ne asyrý jolynda meniń eń bas­ty qoldaýshylarym bolatyn­dyq­tary­ńyzǵa senimdimin.

Elbasnyń kirispe sózinen keıin «Nur Otan» partııasy Tóraǵasynyń birinshi orynbasary, «Bolashaq» halyqaralyq stıpendııasy qaýymdastyǵy keńesiniń tóraǵasy Baýyrjan Baıbek sóz aldy.

Asa mártebeli Nursultan Ábishuly, qurmetti forýmǵa qatysýshylar, qadirli dostar, osy zalda jastardyń úsh býy­ny otyr. Olardyń aldyńǵy tolqyny qamal alar qyryqqa kelse, keıingi tolqyny – orda buzar otyzda. Jáne jıyrmaǵa endi kelgenderi de bar. Sondyqtan, osynaý úsh býynnyń basyn qosqan «Bolashaq» baǵdarlamasynyń 20 jyldyq mereıtoıymen barshańyzdy quttyqtaımyn, dedi. Budan bólek, osydan 20 jyl bu­­rynǵy jaǵdaıǵa toqtalǵan qaýymdastyq tóraǵasy, bolashaqqa baǵdarlanǵan osy aýqymdy baǵ­darlamany júzege asyrýdaǵy Elbasynyń eńbegine toqtaldy.

Júıesi áli qalyptasyp beki­megen memleketti qurý úshin eskiniń shylaýyndaǵy psıho­logııaǵa qaramastan, eldiń sabyryna, aqsaqaldyń aqylyna, jastyń jalynyna súıendińiz. Úırete júrip, úırendińiz, úırene júrip úırettińiz. Sóıtip, ulttyń ustazyna, alashtyń aqylmanyna aınaldyńyz. Sheteldiń eń úzdik oqý oryndaryna jastardy jiberý týraly bastama kóterdińiz. Bir úzim nanǵa zar bolyp júrgen 1993 jyly: «Bul qalaı?» deýshiler boldy. Al Sizdiń kókeıińizdegi arman – jarqyn bolashaq edi. Endeshe, bolashaqtyń kilti jas­tar ekenin Siz tanydyńyz, degen B.Baıbek, bul baǵdarlamaǵa kúmán keltirgender az bolmaǵanyn da alǵa tartty. Desek te, táýekel aqtaldy. Oǵan búgin barshamyz kýámiz, dep bir qaıyrdy.

Bir jyl buryn Siz «Qazaq­stan-2050» Strategııasyn halyqqa jarııaladyńyz. Álemdegi eń úz­dik 30 eldiń sanatyna kirý me­jesin belgiledińiz. Biz álemniń sol ozyq elderindegi eń úzdik ýnı­versıtetterinde oqydyq. Olardyń aldyńǵy qatarly jas­ta­rymen jarystyq, qalysqan joqpyz. Kórdik. Tanydyq. Olar­ da ózimizdeı ekenin bildik. Sóıtip, olarmen básekelesýge bolatynyn uǵyndyq. Endeshe, «Qazaqstan-2050» Strategııasy mindetin oryndaý búgingi qyran jastarymyzdyń shyǵa alatyn shyńy. Bul – ómir shyndyǵy, dedi «Bolashaq» halyqaralyq stıpendııasy qaýymdastyǵy keńesiniń tóraǵasy.

Forýmǵa sheteldik qonaqtar da shaqyrylǵan eken. Solardyń biri – Ulybrıtanııa Joǵary bilim jáne ǵylym mınıstri Devıd Vıllets: «Asa qadirli Prezıdent myrza, Sizdi 20 jyl burynǵy qabyldaǵan dana sheshimińizdiń jemisin kóre bastaǵandaryńyzben quttyqtaýǵa ruqsat etińiz. Endi ǵana táýelsizdik alyp, aıaǵyn táı-táı basqan elge «Bolashaq» baǵdarlamasy syndy aýqymdy iske táýekel etý ońaıǵa soqpaǵanyn bilemiz. Desek te, Siz elińizdiń jarqyn bolashaǵy úshin ǵylymı damý jolyn durys baǵytqa bastap, oryndy sheshimdi oraıly sátinde qabyldadyńyz. Aıtqandaı, men ózimmen birge Ulybrıtanııanyń premer-mınıstri Devıd Kemeronnyń quttyqtaý sózin ákeldim», – dep sózin odan ári jalǵastyrdy. Meniń Qazaqstanǵa baratynymdy estigende premer-mınıstr qýanyp qaldy. Sóıtip, ol jaz aıynda Qazaqstanǵa jasaǵan is-sapary jóninde áńgimelep, Sizge Prezıdent myrza, óziniń ystyq sálemi men eń jaqsy tilekterin joldady. Ol Qazaqstandy álem­degi qarqyndy damyp jat­qan el dep biledi. Sizderdiń je­tistikterińizdi qoldaı otyryp, 50 damyǵan eldiń qataryna qosylǵandaryńyzdy aıryqsha atap ótti. Sizdiń 20 jyl buryn «Bolashaq» baǵdarlamasyna salǵan ınvestısııańyz elińizge óz paıdasyn ákele de bastady. Sondyqtan, osy isińizdi óz kezeńinde eń aqyldy ári kóregendikpen jasalǵan shara dep bilemiz. Buıyrtsa, «Bolashaq» baǵdarlamasy arqyly jańa bilim men álemdegi úzdik úrdisterdi meń­gerip kelgen jastaryńyz, alǵa qoıǵan strategııalyq maq­sattaryńyzǵa jetýge jaqsy kó­mek­shi bolary haq. Sóz sońyn­da aıtarym, Ulybrıtanııa men Qazaqstan arasyndaǵy bilim, ǵy­lym almasý yntymaqtastyǵy bu­dan ári jalǵasa bersin, dedi.

Forýmnyń kún tártibinde Vashıngton, London jáne Shanhaı qalalarymen tikeleı telekópir uıymdastyryldy. Alǵashqy bolyp, telekópirge shyqqan Ásel Sársenbaeva qazaqstandyqtardy Tuńǵysh Prezıdent kúnimen qut­tyqtady. Sóıtip, álemniń eń tańdaýly oqý oryndarynda bilim alý úshin jastarǵa bar múmkindikti jasap bergen Elba­syna alǵysyn aıtty. «Biz, «Bo­la­shaq» baǵdarlamasy boıynsha Ulybrıtanııada oqyp jatqan qazaq stýdentteri Sizdiń syndarly saıasatyńyzdyń arqasynda elimizdiń beıbitshilik pen bir­liktiń besigine aınalǵanyn maq­tanysh etemiz. «Qazaqstan-2050» Strategııasy bizdiń elimizdiń HHI ǵasyrdaǵy ósip-órkendeýiniń kepili bolatynyn da jaqsy bilemiz. Siz árbir qazaqstandyqtyń derbes damýyna múmkindik jasadyńyz! Aǵylshyndarda «home is where the heart is» degen maqal bar. Ony qazaqshalasaq: «Júregiń qaı jerde bolsa, shańyraǵyń sol jerde» degenge keledi. Demek, biz qaı elde bilim alyp, qaı jerde júrsek te aınalyp tabar temirqazyǵymyz bireý ǵana. Ol – týǵan elimiz Qazaqstan!», dep sózin aıaqtady Á.Sársenbaeva.

Elimizdiń dańqty sportshy­sy, London Olımpıadasynyń chem­pıony Serik Sápıev te qazirgi kúnde Ulybrıtanııa astanasynda sport menedjmenti mamandyǵy boıynsha bilim alýda. Telekópirge qatysqan ol: «Asa qurmetti Elbasy, Siz maǵan, ómirge eki úlken joldama berdińiz. Birinshisi – Siz­diń rýhtandyryp, qoldaýyńyzdyń arqasynda London Olımpıadasynda jarqyn jeńiske jettim. Ekinshisi – bilim olımpıadasyna qatysyp jatyrmyn. Eger men sportta chempıon bolsam, oqýda «Bolashaqtyń» sport menedjmenti boıynsha magıs­trantymyn. Osynyń bárine qol jetkizýge múmkindik jasaǵanyńyz úshin Sizge shynaıy alǵysymdy aıtqym keledi», dedi Olımpıada chem­pıony.

Kelesi sóz kezegin «Bola­shaq» baǵdarlamasynyń 1998 jylǵy túlegi Dmıtrıı Gorbýnov aldy. Ol Germanııada kardıohırýr­gııa mamandyǵy boıynsha oqyǵan eken. «Qurmetti Prezıdent, qadirli forýmǵa qatysýshylar, men osydan 5 jyl buryn baǵdarlama­nyń 15 jyldyǵyna arnalǵan jıynǵa da qatysyp, onda balalar kardıohırýrgııasy boıynsha baıandama jasaǵan edim. Endi sodan bergi 5 jylda medısına salasynda qandaı jetistik bol­ǵanyn aıtqym kelip tur. Qurmetti Elbasy, 2011 jyly Sizdiń bastamańyzben Ulttyq ǵylymı kardıohırýrgııalyq ortalyq ashyldy. Búginde sol ǵylymı ortalyqta «Bolashaqtyń» 13 túlegi qyzmet etip jatyr. Onyń beseýi kardıohırýrg dárigerler. Nátıjesinde, qazirgi kúnde Qa­zaqstanda kardıohırýrgııa salasy damyp, ol tek Astana men Almatyda ǵana emes, búkil oblys ortalyqtarynda qoljetimdi bolyp otyr. Elimizdiń salamatty ómir súrýine barlyq jaǵdaıdy qa­rastyryp otyrǵan Elbasy, Sizge aıryqsha qurmetimdi bildirgim keledi. Osyndaı izgilikke toly ıgi isterińizde biz únemi jaqsy járdemshi bolýǵa daıynbyz», dedi D.Gorbýnov.

Memleket basshysy, atalǵan ortalyqty jáne onyń qyzmetin joǵary baǵalaıtynyn aıtty. «Naýqas balalarǵa ota jasap, olarǵa salamatty ómir syılaý, dúnıedegi eń izgi is», dedi Nur­sultan Ábishuly.

Sóz kezegi kelgende osylaı bolashaqtyq jastar elge, Elbasyna degen jyly iltıpattaryn, shynaıy alǵys-sezimderin bildirip jatty. Solardyń biri – Dáýirjan Aýǵam­baı. «Ulybrıtanııada oqy­dym, mamandyǵym – ınves­tı­sııalardy basqarý. «Bolashaq» baǵdarlamasy arqyly bilim alǵan árbir túlek óz zamandastaryna shetelderde alǵan bilimderin transfertteıtin arna ispetti. «Qazaqstan-2050» Strategııasyn­da basty basymdyqtardyń biri – bıznesti damytý men ekonomıkany ártaraptandyrý. Men sońǵy 4 jylda eldegi kóptegen ýnıversıtetterdiń stýdentterimen, jas kásipkerlermen jumys istep kelemin. Atalmysh tetik bolashaqta shaǵyn jáne orta bıznesti damytýǵa jastardy kóptep tartýǵa jol ashady. Qazir «QazServıs» atty servıstik kompanııalar odaǵyn basqaramyn, ony biz bolashaqtyq dosym ekeýmiz eki jyl buryn qurǵanbyz. Búgingi tańda osy odaqqa Qazaqstannyń alty oblysynda jumys isteıtin 80 orta jáne iri munaı servısi kompanııalary kiredi. Biz jumysymyzǵa elimizde jumys istegisi keletin sheteldik kompanııalardy tartamyz. Olar bizben jańa tehnologııalary men ınnovasııalaryn bólisedi. Jańa óndirister ashady.

Asa qurmetti Nursultan Ábish­uly! Siz myńdaǵan jas azamat­tarǵa shetelderde úzdik bilim alýǵa múmkindik berdińiz. Sondaı-aq, bizdiń áleýetimizdi júzege asyryp, alǵan bilimimizdi Qazaqstanda, óz elimizdiń ıgiligine jaratýǵa yntalandyrdyńyz. Sizge sheksiz rahmet! dep aıaqtady sózin ol.

Meniń esimim Qanat Dúken­baev, dep bastady sózin kelesi forým qatysýshysy. «Bola­shaq» boıynsha 2011 jyly Shveı­sa­rııada «Fızıka jáne bıo­fızıka» salasyndaǵy PhD doktory atandym. Qazir Nazarbaev Ýnıversıtetiniń ǵylymı qyz­metkerimin. Rasyn aıtqanda, bıofızıka – ǵylymnyń kúrdeli baǵyty. Biz búginde qaterli isiktiń bastapqy kezeńin anyqtaıtyn jáne emdeıtin tehnologııany Kembrıdj ýnıversıtetiniń ǵalymdarymen birlesip zerttep jatyrmyz. Rak dertin bir-eki sa­ǵat ishinde anyqtap beretin bul tehnologııa Qazaqstanda alǵash ret qolǵa alynýda.

Nazarbaev Ýnıversıteti qazirdiń ózinde álemge tanymal ǵylym men bilim ordasyna aınaldy. Aldaǵy ýaqytta budan da bıik belesterdi baǵyndyratynymyzǵa senimdimin, dep sózin túıdi jas ǵalym.

Alqaly jıynda muhıttyń arǵy betindegi Vashıngtonnan tikeleı baılanysqa shyqqan Dıas Jorabekov Elbasyna ata-saltymyzben sálem berip: «Amerıkanyń eń qadirli tulǵasy – tuńǵysh prezıdenti Vashıngton desek, qala sol kisiniń atymen atalady. Siz de Qazaqstan úshin zor eńbek sińirip kelesiz. Máńgilik eldiń irgetasyn qalap, Otanymyzdy damýdyń dańǵylyna bastadyńyz. Ásem Astanany saldyńyz. Bizge jar­qyn bolashaq syıladyńyz.

Siz «Qazaqstan-2050» Strate­gııasynda 2025 jylǵa deıin shı­kizattyq emes eksporttyń kólemin 2 esege, 2040-qa deıin 3 esege arttyrý týraly mindet qoıdyńyz. Bul maqsattarǵa jetýdiń eń tóte joly ǵylymdy óndirispen ushtastyrý ekenin aıttyńyz. Biz ózimizge júktelgen jaýapkershilik pen mindetti sezinemiz, Siz artqan senimdi aqtaımyz dep ýáde beremiz», dese, «Bolashaq» baǵdarlamasy boıynsha Fransııada geologııa-mıneralogııa ǵylymy doktory dárejesine ıe bolǵan, búgingi tańda Nazarbaev Ýnıversıtetindegi geologııa klasterin qurý jobasynyń jetekshisi Asqar Munara: «Soń­ǵy ýaqytta geologııa salasynda bolyp jatqan ózgerister, atap aıtqan­da: «Ulttyq barlaý kompanııasy­nyń qurylýy, Qashaǵan sııaqty alyp ken oryndarynyń iske qosylýy Sizdiń tikeleı bastamańyz. Geolog mamandar atynan ózińizge úlken alǵysymdy bildirgim keledi», dep aǵynan jaryldy.

Al kásipker Rústem Qary­mov 2008 jyly «Bolashaq» baǵdarlamasymen bilim alǵanyn alǵa tartyp: Elbasynyń eldik tuǵyrymyzdy bekitý jolyndaǵy kóregendi isi «Bolashaq» baǵdar­la­masyn ómirge ákeldi. Bul jas­tar úshin erekshe úrdis boldy. Siz, Nursultan Ábishuly, osylaısha bizdiń shetelde bilim alýymyzǵa úlken múmkindik jasadyńyz. Men Ulybrıtanııada elektronıka mamandyǵyn ıgerdim. Ol kezde bul mamandyq kóp jurtqa belgisizdeý edi. Otanyma oralǵannan keıin qazir jurtshylyqtyń úlken iltıpatyna bólengen ınternet arqyly úıde, ne jumysta otyryp ushaqqa bılet alýdy qoldanysqa engizdim. Osy qadam tolyqqandy júzege asqannan soń ınternet dúken ashtym. Bul da halyqtyń suranysyna ıe boldy. Meniń keıbir zamandastarym kásippen aınalysý jaıyn suraıdy. Olarǵa berer jaýabym: «Bizdiń elimizde bul is óz sheshimin tapqan. Zańdylyqty saqtasań, ýaqtyly salyqty tólep otyrsań bolǵany deımin», dep sózin túıindedi.

AQSh-tyń Pensılvanııa ýnı­versıtetiniń túlegi, qazir Nazarbaev Ýnıversıtetiniń О́mir týraly ǵylymdar ortalyǵynda zertteýshilik qyzmet atqaratyn Aıqyn Asqapuly óziniń 2004 jyly Qytaıdan kelgenin aıtyp, Elbasynyń qamqorlyǵyna rızashylyǵyn bildirip: «Qa­zaq­stannyń táýelsizdigin shettegi 5 mıllıon qazaq ta ózderiniń oryndalǵan armany sanaıdy. Siz azattyq alǵan kúnnen bas­tap shettegi barsha qazaqty elge shaqyrdyńyz. Sóıtip, qazaqtyń uly kóshin bastadyńyz. Sizge álem qazaqtarynyń atynan shek­siz alǵysymdy bildiremin!» dedi.

Osydan keıin «Bolashaq» baǵdarlamasynyń taǵy bir túlegi Shýhrat Sadyrov sóz alyp, Elbasyna shetelde alǵan biliminiń arqasynda bank júıesinde tabysty eńbek etip júrgenin, bul jumysty birneshe jyldan beri istep kele jatqanyn, qazirgi kezde Qazaqstannyń bank júıesi sheteldiń damyǵan elderimen ıyq teńestirip básekelese alatynyn aıtty. Sonymen birge, ol elimizdiń jetekshi kompanııalaryna, bankterine Eýrazııalyq ekonomıkalyq keńistikte jumys isteýdiń mańyzdylyǵyna toq­taldy. «Bizdiń elge bul keńistikte jumys isteý asa mańyzdy. Búginde EýrAzEQ qurylǵaly beri Qazaqstannyń kásiporyndaryna Reseı men Belarýs sııaqty elderdiń naryǵyna dendep enýge jol ashylyp otyr. Bizge tek osy múmkindikti tıimdi paıdalana bilý kerek. Árıne, Reseıdiń jeri de, halqy da kóp. Belarýs eline kelsek, bul elde de óndiris jaqsy damyǵan. Degenmen, búkil álemde básekelestiktiń arqasynda barlyq elder bir-birinen artta qalmaý úshin aıanbaı jumys istep jatyr. Sondyqtan bizge de elimiz úshin aıanbaı eńbek etip, shetelde alǵan bilimimizdiń kómegimen kórshiles eldermen ǵana emes, barlyq eldermen ıyq túıistirip básekelesýimiz kerek», dedi ol.

Osy oraıda ol búginde elimizde kásipkerlikti damytýǵa barlyq jaǵdaıdyń jasalǵanyn, mysaly, «Jol kartasy» nemese agrobıznesti qoldaýǵa arnalǵan sýbsıdııanyń ózi Reseı men Belarýste joq ekenin, sondyqtan bizdiń kásipkerlerdiń kórshi elderdiń naryǵyn tartynbaı batyl túrde ıgerýdi úırenýleri kerektigin aıtty. Sóziniń sońynda Sh.Sadyrov jas býynǵa jasap otyrǵan ákelik qamqorlyǵy úshin Elbasyna alǵysyn bildirdi.

Kelesi kezekte Qytaıdyń Shanhaı qalasynan Tilektes Adambaev degen «Bolashaq» baǵdarlamasynyń stıpendıanty tikeleı baılanysqa shyǵyp, ózi oqyp jatqan eldegi bilimniń deńgeıi, Prezıdenttiń bastamasymen ómirge kelgen osynaý baǵdarlamanyń mańyzdylyǵy týraly aıta kelip, ol da Nursultan Ábishulyna oqýǵa túsip, bilimin odan ári jetildirýge múmkindik jasaǵany úshin rızashylyǵyn bildirip, alǵys sezimin jetkizdi.

«Qazir men jańa tehnologııa jáne telekommýnıkasııa salasynda bilim alyp júrmin. Siz el táýelsizdiginiń alǵashqy kúnderinen bastap jas Qazaqstannyń jańa múmkindikterin kóre bildińiz. Sol múmkindikterdi iske asyrdyńyz. Endeshe, elimizdiń búgingi kelbeti tutasymen sizdiń ınnovasııańyz! Biz sizben árdaıym birgemiz. Elge oralyp, eren isterge óz úlesimizdi qosýǵa asyǵamyz», dedi ol.

«Bolashaq» baǵdarlamasynyń túlekteriniń biri, jas kásipker Danat Jumın AQSh-ta alǵan biliminiń arqasynda kásipkerlikpen aınalysyp jatqanyn, ótken jyldary onyń kompanııasynyń respýblıkalyq bıýdjetke 150 mln. teńge salyq tólegenin aıtyp, aldaǵy kezde elimizdiń damýyna, Elbasynyń «Qazaqstan-2050» Strategııasynyń iske asýy­na barynsha atsalysatynyn­ atap ótti. Sonymen birge, ol «Bo­la­shaq» sııaqty tarıhı mańyz­dy baǵdarlamany jasap, myńdaǵan jastardy bir maqsatqa uıystyra bilgen Elbasynyń úlken kóre­gendigin basa aıtty.

Forýmda Qaraǵandy oblysynan kelgen «Bolashaqtyń» taǵy bir túlegi memlekettik qyz­metshi mektebiniń jetekshisi Birjan Álimjan sóz sóılep, óz oılarymen bólisti. Ol óziniń Otanymyz úshin tarıhı mańyzy zor kezeńde ómir súrip jatqanyn ári osy uly iske óz úlesin qosyp júrgenin maqtanysh etetinin jetkizdi. «Armandar – maqsattarǵa, al maq­sattar – naqty isterge aınalýy tıis. Sondyqtan «Qazaqstan-2050» Strategııasy árbir jas azamat­tyń ómirlik jol kartasyna aınalady. Men barsha jastardy maqsatshyl bolýǵa shaqyramyn!» dedi ol.

Ulttyq eriktiler jelisiniń Qostanaı oblysy boıynsha ókili Jansaıa Qojahmetova «Bolashaq» baǵdarlamasynyń mán-mańyzy men sonyń aıasynda jastar jasap jatqan jumystar týraly aıtyp berdi. Ol óziniń aýyldan shyqqanyn, aýyldaǵy qurby-qurdastarynyń bolashaqqa senimderi men eldik isterge degen jaýapkershilikterin arttyryp, ómirge belsene aralasyp jatqanyn aıtty. «Bizdiń basty baǵytymyz – altyn besik aýyl. Biz aýyldar men aýdandarda «Aq tilek» ortalyǵyn uıymdastyrdyq. Sondyqtan osy zalda otyrǵan barsha jastar «Qazaqstan-2050» Strategııasyn júzege asyrýǵa súbeli úles qosýǵa daıyn», dedi ol. Sondaı-aq, J.Qojahmetova jaqynda Prezıdenttiń ómirbaıany týraly fılmder jelisin qaraǵanyn, ondaǵy týyndylardy ol joǵary baǵalaıtynyn jetkizdi. Bul fılm qarapaıym ǵana aýyl balasynyń qaınaǵan ómirde qalaı shyńdalyp, álemdik tulǵaǵa qalaı aınalǵanyn kórsetedi, dep túıdi óz oıyn.

Jıynda jastardyń sózderi arasynda Memleket basshysy «Bolashaqtyń» 10 000-shy stıpendıanty atanǵan Ázimhan Qojahmetovke stıpendıant kýáligin tapsyrdy. Osy jerde Elbasynyń qolynan kýálik alǵan talapker: «Búgin – meniń ómirimdegi eń basty kún! Sizdiń qolyńyzdan ǵylym álemine joldama alý men úshin sheksiz baqyt. Siz artqan zor senimdi men bilimimmen, eńbegimmen aqtaımyn. «Bolashaq» arqyly shyńdalyp jatqan, odan túlep ushqan jas zııatkerlerdiń atynan Sizge sheksiz rızashylyǵymdy bildiremin», dedi.

Forým sońynda Qazaqstan Prezıdenti qory­tyndy sóz sóıledi. Elbasy osy sóziniń aldynda óziniń atyna aıtylǵan jyly lebizderi úshin jastarǵa alǵysyn bildirdi.

Sizdermen osy kezdesý barysynda men eki máselege kóńil bóldim. Birinshisi – Temirtaýda metallýrg bolyp júrgen 20 jastaǵy kezimde komsomoldyń sezine delegat bolyp qatysqandyǵym esime tústi. Ol sezd Almatydaǵy Opera jáne balet teatrynda ótken edi. Zalda otyrǵan ornymnan turyp, minberge qalaı kóterilgenim jáne sóz sóılegenim esimde qalmapty. О́ıtkeni, sondaǵy jaǵdaı maǵan qatty áser etken edi. Al sender bolsańdar sheshen sóıledińder. Eshqandaı bir abyrjý bilingen joq. Osyǵan qarap, qýandym. Ekinshisi – jańa ǵana Ulybrıtanııa mınıstri sóz alǵanda, senderdiń eshqaısylaryń ilespe aýdarmanyń qulaqqabyn qulaqtaryńa ilgen joqsyńdar. Bir zalda bári birdeı aǵylshyn tilin erkin túsinip, jaqsy biletin munshama adam bizdiń Qazaqstanda bolǵan emes. Osyny kórip men taǵy da qýanyshqa bólendim, dedi Elbasy.

Munan ári Prezıdent qazirgi kúni bizdiń elimizde de ýnıversıtetter ózderiniń bilim berý sapasyn arttyrýda ekendigin eske alyp ótti. Qazirgi zamanda adamǵa oqý kerek, bilim kerek. Jeńiske jetý qabileti kóp jaǵdaıda adamnyń jas kezindegi jigerine baılanysty qalyptasady. Osy jaǵdaıdy atap kórsetken Nursultan Ábishuly jastardyń shetelden bilim alý jolynda qıyndyqqa shydaı bilgendikterin aıtyp ótip, olardyń aldaǵy jumystaryna tabys tiledi. «Bolashaq» baǵdarlamasy bo­ıynsha oqý bitirip kelgen jastar kúni erteń iste ysyla otyryp, birte-birte bılik basyna kele bas­taıdy. Sol kezde ata-baba armanymen, kóptegen qıyndyqtarmen kelgen táýelsizdik bizdiń eń bas­ty qundylyǵymyz ekendigi eshýaqytta esten shyqpaýy kerek. Táýelsizdikti qorǵap, alǵa jyljytý baǵytynda úlken ister tyndyrylýy tıis. Álemde eń kóp jumys isteıtinder ońtústik koreıalyqtar bolsa, eń az jumys istep kelgender grekter eken. Osydan-aq qorytyndy shyǵarýǵa bolady.

Elbasy osy rette sheteldik jo­­ǵary oqý oryndarynda bola­­shaqtyqtardan tys, ata-ana­lary­nyń qamqorlyǵymen oqyp jat­qan 65 myń túlektiń barlyǵyn eske salyp ótti. Bul elimizdiń jaǵdaıynyń jaqsarǵandyǵyn bildiretin kórsetkish. El – bola­shaq damýyna qosylatyn serpindi kúsh.

«Qazaqstan-2050» Strategııasy, bul – júzege aspaıtyn arman emes. О́ıtkeni, elimizdiń qolynda táýelsizdik bar. Osy táýelsizdik bizdiń ata-babalarymyzǵa qolǵa ustatpaıtyn armandaı kórinip edi. Aqyry oǵan qol jetkizdik. Sondyqtan, ózimizdiń osy ýaqytqa deıin eńsergen isterimizge qarap, men «Qazaqstan-2050» Strategııasynyń júzege asatyndyǵyna senemin. Biz osy táýelsizdik jyldarynda ekonomıkamyzdyń kólemin 16 ese arttyrdyq. 2015-2016 jyldary ishki jalpy ónimniń jan basyna shaqqandaǵy úlesi 20 myń dollarǵa deıin jetip qalady. 100 mıllıard AQSh dollaryn quraıtyn altyn-valıýta qorymyz bar. Endeshe, biz óz bolashaǵymyzǵa senimmen qaraýymyz kerek, – dedi Prezıdent.

Elbasy qazirgi álemdik daǵdarystarǵa tek qýatty ındýstrııalyq bazasy bar elder ǵana tótep beretinin atap aıtty.

Sondyqtan da biz elimizdi ındýstrııalandyrýǵa kiristik. Damýdyń sheshýshi faktoryna aınalǵan bilim ekonomıkasynyń ýaqyty keldi. Ásirese, jaratylystaný ǵylymdaryn: fızıka, bıologııa, hımııa, matematıkany damytý mańyzdy. Olarda ınnovasııa úshin sarqylmaıtyn áleýet bar. Eldiń damýyna jańashyl serpin berý mańyzdy. Sol sebepti biz búgin ǵylymǵa burynǵydan da kóp ınvestısııa salýdamyz. Eń zamanaýı jabdyqtary bar zerthanalar qurylýda, basqarý men qarjylandyrýdyń jańa júıesi jumys isteıdi, – dedi Nursultan Nazarbaev.

Munan keıin Memleket basshysy álem halyqtary úshinshi ındýstrııalyq revolıýsııanyń qarsańynda turǵandyǵyn, ony júzege asyrý úshin, dúnıe júzindegi aldyńǵy qatarly elderdiń qataryna qosylý úshin bilim kerek ekendigin taǵy bir eske salyp ótti. Sarapshylardyń pikirinshe, bizge álemdegi damyǵan 30 eldiń qataryna kirý úshin ishki jalpy ónimniń jan basyna shaqqandaǵy kólemi 60 myń dollardan aınalýy tıis eken. Árıne, bizde shıkizat kózderi, mıneraldyq tabıǵat baılyqtarymyz jetkilikti. Biraq, biz endi basqa ekonomıkany ornatýymyz kerek. Osy jolda úlken bilim kerek. Damyǵan elderdiń qaı-qaısysy bolsyn halyqqa sapaly bilim berýdi aldyńǵy qatarǵa shyǵaryp otyr. ­Máselen, Fınlıandııada mektep bitirgen túlekterdiń eń úzdik degen 10 paıyzy muǵalimdik, oqytýshylyq baǵytqa ıkemdeledi eken. Sıngapýrda muǵalimder ár jyl saıyn 100 saǵattyq bilim jetildirý kýrstarynan ótedi. О́ıtkeni, bilikti kadrlar qaı elde kóp qalyptassa, sol eldiń ekonomıkasy úzdik bolyp alǵa shyǵady. Sondyqtan Germanııadaǵy dýaldy oqý júıesin biz de ózimizde tolyq qoldanýymyz kerek, degen Elbasy Qazaqstanda bilim men ǵylymdy odan ári damytý maqsatynda «Bolashaq» túlekteriniń 20 paıyzy ǵylymǵa qaraı bet burýda ekendigin atap kórsetti.

Memleket basshysy elimizde EKSPO-2017 kórmesin ótkizý «jasyl» ekonomıkaǵa ótýdiń bastapqy satysy bolatynyn senimmen málimdedi.

Qazaqstan Prezıdenti ǵy­lym­nyń úlesi basym ekonomıka qurý úshin aýyl sharýashylyǵy, medısına, aeroǵaryshtyq ındýstrııa, kólik salasyndaǵy jańa tehnologııalar sekildi baǵyttar perspektıvaly ekenin atap ótti.

Álemde ǵarysh aılaǵyna ıe bes el bar, sonyń biri – Qazaqstan. Ýaqyt pen keńistikte ǵarysh salasynyń áleýeti shyn máninde sheksiz. Biraq, ǵaryshtyń qııanyna kóz sala otyryp, bizder báribir dástúrli ulttyq kólik júıesin damytýǵa tıispiz. XXI ǵasyr – jerústi, jerasty jáne jerdegi ushqyr kólikter dáýiri. Álemde kóliktiń úzdik zerthanalar aınalysyp jatqan ınnovasııalyq túrleri tabylatyn bolady. Bizge de sondaıdy jasaý kerek, – dedi Nursultan Nazarbaev.

Sondaı-aq, Memleket basshysy Qazaqstan energetıkalyq resýrstardyń barlyq túriniń baı qoryna ıe ekendigin, biraq solaı bolsa da, jańǵyrtylatyn energııa kózderin damytý qajettigin aıtty.

Taıaýdaǵy onjyldyqta kómir­sýtekter men beıbit atomǵa su­ranys bolady. Mamandardyń baǵalaýynsha, kómirsýtek dáýiri áli keminde 50 jyl saqtalady. Biraq munyń bári energııanyń bizge málim ashyq túrleri. Kókjıekten arǵyny kóre bilý kerek. Mysaly, basqarylatyn termoıadrolyq sıntez jáne sýtegilik energetıka. Onyń tıimdiligi bizge belgili energııa kózderine qaraǵanda 40 ese artyq. Bul – qazirdiń ózinde birqatar elderde engizile bastaǵan jasandy fotosıntez, shoǵyrlandyrylǵan kún energııa­sy. Osyndaı ázirlemelermen otandyq ǵalymdarymyzdyń da aınalysqanyn qalaımyn, – dedi Nursultan Nazarbaev.

Qazaqstan Prezıdenti «Bolashaq» stıpendıattary men túlekterine keleshekke negiz qalaı otyryp, perspektıvaly tehnologııalardy ázirleý men engizý jumystaryna aralasý qajettigin atap kórsetti.

Aldaryńa úlken mindetter qoıyńdar. Sender óz eńbekterińniń jemisin jeıtin bolasyńdar. «Bolashaq» baǵdarlamasy – senderge memleket bergen senim nesıesi. Men senderdi, baǵdarlama túlekteri men stıpendıattaryn meniń Jalpyǵa Ortaq Eńbek Qoǵamy týraly ıdeıamnyń bel­sendi jaqtaýshylary retinde qarastyramyn. Esterińde bolsyn, kim jumys isteıdi, sol eshqashan jastyǵyn joǵaltpaıdy. Kim jumys isteýdi qoısa, ol otyzynda-aq qartaıady. Biz barlyq nársede úlgi bolýǵa tıispiz. «Qazaqstan-2050» – bizdiń HHI ǵasyrdaǵy ulttyq ıdeıa­myz. «Bolashaqtyń» negizinde «Qazaqstan-2050» qozǵalysyn qurýdy usynamyn. Jańa qozǵalys adamdarǵa elimizdiń negizgi mindetterin túsindirýi kerek. Árbir azamat Strategııa­ny, onyń mindetteri men maqsattaryn túsinýge tıis. Barsha qazaqstandyqtarǵa birlik, toptasý jáne maqsatqa berik­tik qajet. Sonyń barlyǵyn júze­ge sender asyrýǵa tıissińder. Biz­diń kúshimiz – birlikte, degen Memle­ket basshysy jalpyulttyq qozǵa­lys búkil qazaqstandyqtardy bir maqsat jolynda jumyldyrý qajet ekendigin, mine, sol úshin de halyqtyń «Qazaqstan-2050» Strategııasyn ne úshin júzege asyratyndyǵymyzdy aıqyn túsiný qajettigin atap ótti.

Bul Strategııa halyqtyń myz­ǵymas birligi men zor jaýap­kershiligin talap etetin úlken emtıhan. Sizder jassyzdar, biz óz ultymyzdy syılaımyz, ult­tyq qundylyqtarymyzdy qurmetteımiz, bizge eń bastysy birlik kerek. Sizderdiń jáne sizderdiń urpaqtaryńyzdyń birligi kerek. Bizdiń býyn óziniń moınyna túsken aýyr júkti tik kóterip, táýelsizdikti ornatty. Bolashaqta ony alyp júrý sizderdiń enshilerińizge buıyrady. Osy sátte elimizdiń kópultty ekendigin, bul jaǵdaıǵa eshkimniń de kináli emestigin esten shyǵarmaý kerek. Ol úshin biz keńdik kórsete bilýimiz kerek, degen Elbasy aldaǵy ýaqyttarda da el bosaǵasy berik, qýatty bolý úshin úshtildiliktiń negizgi sharttardyń biri bolyp tabylatyndyǵyn aıtyp ótti. Memlekettik tildiń da­mytylatyndyǵyn, orys tili arqyly kóp nársege qol jet­kiz­gendigimizdi, qazir álemde shy­ǵarylatyn ár kitaptyń 85 paıyzy aǵylshyn tilinde ekendigin eske saldy.

«Qazaqstan-2050» Strategııasy jónindegi ulttyq qozǵalys kúlli halqymyzdy keleli isterge jumyldyratyn qýatty tetikke aınalýy qajettigin, árkim óz salasynda naqty jumys isteıtin bolsa, sonda jalpy eńbek birge kelip el kóleminde úlken nátıje beretindigin ǵıbrattady.

Nursultan Nazarbaev qazirgi zamannyń syn-qaterlerine daıyn bolý qajettigin atap ótti.

Elimizdiń tabysty bolýy árqaısymyzǵa baılanysty, sender de onyń bolashaǵynyń bir ból­she­gisińder. Barshańyzdy aldaǵy memlekettik merekemen – Tuńǵysh Prezıdent kúnimen quttyqtaımyn. Bul – halqymyzdyń jappaı bir­le­sýi kúni. Men árqashan osylaı bolady dep kámil senemin. Biz óz topyraǵymyzda 130 ulttyń ómir súrip jatqanyn maqtanysh ete­miz. Halqymyzdyń ishki birligi ar­qasynda biz barlyq osynaý kórsetkishterge qol jetkizdik. Bar­lyq qundylyqtarymyzdy saq­taı otyryp, biz álemniń bá­sekege qabiletti elderiniń otyz­dy­ǵy qataryna kirýge tıispiz. «Qa­zaqstan-2050» Strategııasy min­detterin júzege asyra júrip, biz ózimizdiń ulttyq armanymyzdy oryn­daımyz, – dedi Memleket basshysy.

Sóz sońynda Qazaqstan Prezı­denti barshaǵa amandyq, baq-bereke jáne óz Otanymyzdyń ıgiligi jolyndaǵy eńbekterine tabys tiledi.

Forým aıaqtala bere Álimjan Málikov, Nargız Sagınova, Ádilhan Eleýsizov, Dáýren Esalıev, Aısal Ysqaqova, Nurjan Ospanov, Saltanat Tumanbaeva men Maqsat Ysqaqov sekildi «Bolashaqtyń» túlekteri de sóz alyp, bilim men ǵylym, Elbasynyń «Qazaqstan-2050» Strategııasy týraly oılarymen bólisti. Onda jas­tar osynaý mańyzdy strategııalyq baǵdarlamanyń rýhanı tiregi – jańa qazaqstandyq patrıotızm bolyp sanalatynyn, osy jolda árbir zamandasymyzdyń júreginen nyq oryn alý úshin ter tógetinderin aıtty. Mysaly, Saltanat Tumanbaeva táýelsizdigimizdi baıandy etip, máńgilik elge aınalý úshin aıanbaı jumys istep, Elbasynyń senimin aqtaýǵa barsha jastardyń atynan ýáde beretinin jetkizse, Maqsat Ysqaqov bir sózinde babamyzdyń tabany tımegen jerge endi balanyń tabany tıip jatqanyn, Keldibektiń uly Qaz daýysty Qazybektiń Kembrıdj ýnıversıtetinde oqymasa da elimizge sińirgen eńbegi ushan-teńiz ekenin, sondyqtan qa