Senat Tóraǵasy Qasym-Jomart Toqaev pen Májilis Tóraǵasy Nurlan Nyǵmatýlın bastaǵan UQShU, TMD jáne EýrAzEQ Parlamenttik jáne Parlamentaralyq assambleıalary sheńberindegi yntymaqtastyq sharalaryna qatysý úshin Sankt-Peterbýrg qalasyna kelgen qazaqstandyq Parlament Senaty men Májilisi delegasııalarynyń jumys kestesi óte tyǵyzdyǵymen erekshelendi.
Senat Tóraǵasy Qasym-Jomart Toqaev pen Májilis Tóraǵasy Nurlan Nyǵmatýlın bastaǵan UQShU, TMD jáne EýrAzEQ Parlamenttik jáne Parlamentaralyq assambleıalary sheńberindegi yntymaqtastyq sharalaryna qatysý úshin Sankt-Peterbýrg qalasyna kelgen qazaqstandyq Parlament Senaty men Májilisi delegasııalarynyń jumys kestesi óte tyǵyzdyǵymen erekshelendi.
Olar eki kún boıy UQShU, TMD jáne EýrAzEQ PAA sheńberindegi otyrystarǵa qatysty, al Tóraǵalar osynyń ústine TMD elderindegi ózderiniń áriptesterimen ekijaqty kezdesýler ótkizdi. Osy sharalardyń bári de mańyzdy, olardyń bári de TMD aýmaǵyndaǵy parlamentaralyq ıntegrasııalyq úderisterdiń óristeı túsýine eleýli yqpalyn tıgizetin sharalar ekeni sózsiz edi. Sonyń ishinde Qazaqstan tóraǵalyq etetin EýrAzEQ PAA otyrysyn onyń tóraǵasy N.Nyǵmatýlın júrgizip otyrdy. Bul uıym bizdiń elderimizdiń ekonomıkalyq yntymaqtastyǵyn arttyrý jolynda kóptegen sharalardyń bastamashysy bolyp keledi, dedi ol otyrysty ashqan sózinde.
Burnaǵy kúni keshkisin TMD PAA Keńesiniń otyrysy bastaldy. Oǵan TMD elderi parlamentteri palatalarynyń basshylary múshe bolyp tabylady. Ony Reseı Federaldyq Jınalysy Federasııa Keńesiniń Tóraıymy ári TMD PAA Keńesiniń tóraıymy Valentına Matvıenko ashyp, júrgizip otyrdy. Ol aldymen Qazaqstan Parlamenti Senatynyń Tóraǵasy Qasym-Jomart Toqaevty burynǵy qyzmetine qaıta saılanýymen áriptesteri atynan quttyqtap, eńbegine jemis tiledi. Odan ári V.Matvıenko otyrysqa TMD-nyń ekonomıkalyq sotynyń basshylary da qatysyp otyrǵanyn eskertip, ortaq quqyqtyq keńistikti jasaýǵa ıgilikti yqpal etýdi kózdep biz ekonomıkalyq sotpen yntymaqtastyq ornatý týraly kelisimge qol qoıdyq, dedi. Sonymen birge, ol otyrysqa TMD elderi Bas prokýrorlary úılestirý keńesiniń jáne Kásipodaqtar konfederasııasynyń ókilderi, t.b. qatysyp otyrǵanyn jetkizdi.
Jaqsybaı SAMRAT,
«Egemen Qazaqstan» – Sankt-Peterbýrgten.