Almaty qalalyq jaıly orta basqarmasynyń basshysy Sapar Nurashev ustalǵany týraly aqparat shyndyqqa janaspaıdy. Mundaı habarlamany qala ákimdiginiń baspasóz qyzmeti málimdedi, dep habarlaıdy Egemen.kz
"О́zderińiz kórip otyrǵandaı, men jumystamyn. Búgin tańerteń ákim apparattyq keńes ótkizdi. Birqatar tapsyrma berildi. Men jumys ornyndamyn... Meni eshqaıda shaqyrǵan joq, eshkim eshteńe aıtqan joq. Jumys jalǵasyp jatyr", deıdi Sapar Nurashev.
Aıta keteıik, Antıkor buǵan deıin Sapar Nurashevtyń ustalǵanyn habarlaǵan edi.
"Áleýmettik jelilerde jáne saıttarda Almaty jaıly qalalyq orta basqarmasynyń basshysy Sapar Nurashev ustalǵany týraly aqparat shyndyqqa janaspaıdy. Nurashev jumys ornynda otyr. Qala ákimdigi qajet aqparatty jáne tergeýge deıingi tekseriske qatysty túsinik berýge daıyn", delingen habarlamada.
BAQ málimetinshe, sheneýnik qaladaǵy modýldi ınfeksııalyq aýrýhananyń qurylysyna bólingen mıllıardtaǵan qarjyny jymqyrdy degen kúdikke ilingen.