Almaty qalasynda Naýryzbaı aýdanyndaǵy 5-shaǵynaýdanda taǵy jeti kósheniń ataýyn belgili memleket qaıkerleriniń qurmetine berý týraly usynys aıtyldy, dep habarlaıdy Egemen.kz
Eske sala keteıik, Almatyda 100-den astam kóshe jańa ataýǵa ıe bolatyny týraly jazǵan bolatynbyz.
Taýjoly shaǵynaýdanyndaǵy Shedrost kóshesin saıası qaıratker Kapıtolına Krıýkovanyń esimimen ataý usynyldy. Naýryzbaı aýdany boıynsha Qalqaman-2 shaǵynaýdanyndaǵy 5-kósheni – Sergeı Dıachenko, 7-kósheni – Valerıı Hrıshatyı esimimen ataý, al Proektırýemaıa kóshesine kompozıtor Bazarbaı Jumanııazov esimin berý usynyldy.
Sarapshylar Tastybulaq yqshamaýdanyndaǵy Aıbolıt-2 kóshesin Medeý shatqalyndaǵy selden qorǵaıtyn bógettiń qurylysyn basqarǵan ǵalym, ınjener Alekseı Hegaıdyń esimimen ataý qajet dep sanaıdy.
Al Aqjar shaǵynaýdanynda Karernaıa kóshesiniń ornyna Qılybaı Medeýbekov kóshesi paıda bolýy múmkin. Naýryz shaǵynaýdanyndaǵy Internasıonalnaıa kóshesin memleket qaıratkeri Salamat Muqashevtiń qurmetine ózgeredi. Almaty ákimdigi men máslıhatynyń bul qaýlysyn 12 mamyrǵa deıin «Ashyq NQA» saıtynda talqylaýǵa bolady.