Qazaqstan Syrtqy ister mınıstrligi Shyǵys Ierýsalımdegi zorlyq-zombylyqtyń órshýine jáne Palestına-Izraıl qatynastarynyń shıelenisýine alańdaýshylyq bildirdi, dep habarlaıdy Egemen.kz.
«Qalyptasqan jaǵdaıda barlyq taraptar ustamdylyq tanytyp, jaǵdaıdyń odan ári nasharlaýyna ákeletin qadamdardan bas tartýy qajet.
Ál-Aqsa meshitiniń kesheni tóńireginde arandatýshylyq áreketterden aýlaq bolýǵa jáne statýs-kvony qurmetteýge shaqyramyz.
Saıası, dinı jáne qoǵamdyq kóshbasshylary qasıetti Ramazan aıynda shıelenisti azaıtý úshin bar kúshin salady dep úmittenemiz.
Qazaqstan Palestına-Izraıl qaqtyǵysynyń tek «Eki memleket» formýlasy jáne Birikken Ulttar Uıymynyń tıisti qararlary negizinde beıbit jolmen ádil sheshilýin qoldaıdy», delingen málimdemede.