Qazaqstan áıelder quramasynyń kapıtany Iаroslava Shvedova Rımde álemniń birinshi raketkasyna jol berdi, dep habarlaıdy Egemen.kz.
Dúnıejúzilik reıtıngte 665-orynda turǵan Iа.Shvedova Italııa ashyq chempıonatynyń ekinshi aınalymynda álemniń 1-raketkasy, aýstralııalyq Eshlı Bartımen kezdesti. E.Bartı birinshi partııany 6:4 esebimen utsa, ekinshi sette onyń basymdylyǵy anyq baıqaldy – 6:1. Báseke 1 saǵat 18 mınýtqa sozyldy. Aýstralııalyq tennısshi match barysynda 7 eıs jasap, 6 breık-poınttyń beseýin paıdalana bildi. Birde-bir eıs jasamaǵan Iа.Shvedova 6 breık-poınttyń tek ekeýin ǵana óz paıdasyna asyra aldy. E.Bartı úshinshi aınalymda fransııalyq Karolın Garsııa nemese reseılik Veronıka Kýdermetovanyń bireýimen sheberlik baıqasady.
Júlde qory 1,8 mln AQSh dollarynan asatyn Rım jarysy 16 mamyrda márege jetedi. О́tken jyly bul dodada rýmynııalyq Sımona Halep chempıon atanǵan bolatyn.