Atyraýda úı qyzmetshisi bolyp jumys istegen áıel páterdegi seıften 56 mıllıon teńgeni urlap, Shymkent qalasyna ketip qalǵan, dep habarlaıdy Egemen.kz.
Oblystyq polısııa departamenti baspasóz qyzmetiniń málimetine súıensek, 28 naýryzda saǵat 00:22-de Atyraý qalasynyń 46 jastaǵy turǵyny «102» operatoryna habar bergen.
«Shaǵymdanýshy 26-28 naýryz aralyǵynda belgisiz adamdar páterge erkin kirip, seıften 56 mıllıon teńgesin jymqyrǵanyn aıtqan edi. Osy derekke baılanysty krımınaldyq polısııa qyzmetkerleri kúdiktini anyqtaý úshin jedel-izdestirý is-sharalaryn júrgizdi», dedi oblystyq polısııa departamentiniń bastyǵy, polısııa polkovnıgi Qamza Úmbetqalıev.
Polıseıler jábirlenýshiniń páterinen qomaqty aqshany urlaǵan kúdiktini anyqtady. Kúdikti – úı qyzmetshisi bolyp jumys istegen 1979 jyly týǵan áıel. Ol Shymkent qalasynda ustaldy.