Qazaqstanda qazir 17 kásiporyn medısınalyq maska óndiredi, dep habarlaıdy Egemen.kz.
Qazir Qazaqstanda medısınalyq maska óndiretin 17 kásiporyn bar. Olar Nur-Sultan, Almaty, Shymkent qalalarynda, Pavlodar, Atyraý, Aqtóbe, Almaty jáne Jambyl oblystarynda ornalasqan.
Jalpy alǵanda, kásiporyndar kúnine 1600-den astam maska shyǵarady. Qazir qoımalarda 18 mln-nan astam medısınalyq maska bar.
Sondaı-aq elimizde bir rettik jáne qaıta paıdalanýǵa bolatyn qorǵanysh kostıýmderi óndiriledi. Qazaqstanda jumys isteıtin 6 kásiporyn aıyna jarty mıllıonnan astam ónim shyǵarady. Olar Almaty, Shymkent, Pavlodar, Oral jáne Almaty oblystarynda ornalasqan.
Indýstrııa mınıstrligi Almaty men Nur-Sultanda taǵy eki jańa óndiris ornyn ashylýǵa qoldaý kórsetip jatyr. Olar iske qosylǵannan keıin aıyna qosymsha 344 myń kostıým shyǵarylady.
Odan bólek, Qazaqstanda dene qyzýyn túsiretin 15 túrli preparat shyǵaratyn 4 kompanııa jumys isteıdi jáne vırýsqa qarsy preparattardyń 15 túrin óndiretin otandyq 5 kásiporyn bar.