Izraıl maýsym aıynan bastap eldegi pandemııaǵa baılanysty buryn qoıylǵan barlyq shekteýlerdi alyp tastmaq. Bul týraly eldiń densaýlyq saqtaý mınıstrligi málimdedi, dep habarlaıdy Egemen.kz.
«Pandemııa bastalǵannan beri birinshi ret Izraıl aýmaǵyndaǵy barlyq shekteýler 1 maýsymda joıylady», dep habarlady mınıstrlik.
Alaıda, elge keletin týrısterge karantındik rejım saqtalady, tipti shekteýler kúsheıtilýi múmkin. Izraılde bes mıllıonnan astam adam (halyqtyń 55 paıyzy) koronavırýsqa qarsy eki ret ekpe alǵan.
Meıramhanalarǵa, barlarǵa jáne sport zaldarǵa tek tolyq vaksınasııalanǵan azamattar erkin kire alady.
Izraıl vaksınasııa boıynsha álemdegi kóshbasshy elderdiń birine aınaldy. Sáýir aıynyń basynda munda eresek turǵyndardyń 80 paıyzǵa jýyǵy vaksınasııadan ótti.
Naýryz aıynyń basynda premer-mınıstr Bınıamın Netanıahý Izraıl COVID-19-dy jeńgen alǵashqy el ekenin aıtty. Izraılde halyqty jappaı vaksınasııalaý 2021 jyldyń qańtarynda bastalǵan.
Memleket osy qajettilikter úshin amerıkandyq Pfizer vaksınasyn satyp aldy. Ekpe birinshi kezekte sozylmaly aýrýmen aýyratyn adamdarǵa jasaldy.