Túrkistan oblysynyń polıseıleri jergilikti turǵynnan 950 túp kóknár tárkiledi, dep habarlaıdy Egemen.kz Polisia.kz saıtyna silteme jasap.
Keles APB kezekshi bólimine jergilikti turǵyndardyń biri óz úıinde quramynda esirtki zaty bar ósimdikterdi zańsyz ósirýmen aınalysatyny týraly habarlama kelip túsken. Atalǵan jaıtty polıseıler QR QK-niń 300-babymen (Quramynda esirtki zattary bar, ósirýge tyıym salynǵan ósimdikterdi zańsyz ósirý) SDTBT-ǵa tirkedi. Jedel-izdestirý is-sharalary barysynda Túrkistan oblysy PD Esirtki qylmysyna qarsy is-qımyl basqarmasynyń tájirıbeli qyzmetkerleri Keles APB-niń qyraǵy polıseılerimen birge jergilikti turǵyndy ustady.
Jedel ýákilder er adamnyń úıiniń aýlasyn tintý kezinde, egilip-kútip baptalǵan, esirtki zaty bar ósimdikti tapty. Osylaısha tártip saqshylary, aıǵaqty zat retinde kúdiktiden 950 túp esirtki zatyn tárkilep, olardy saraptamaǵa jiberdi. Saraptama qorytyndysymen alynǵan esirtki quramynda esirtkisi bar jalpy salmaǵy 12 keliden asatyn kóknár bolyp shyqty.
Jergilikti turǵyn aýdandyq polısııa bólimine jetkizildi. Tergeý kúdiktiniń zańmen tyıym salynǵan esirtkini satý úshin ósirgenin anyqtady. Ol óz kinásin tolyq moıyndady. Qazirgi ýaqytta zańsyz esirtki egip-ósirý deregi boıynsha sotqa deıingi tergeý jumystary júrgizilýde.