Mońǵol eliniń batys shebinde qanat jaıǵan qazaqtar sońǵy eki ǵasyrdan beri myzǵymaı meken etip kele jatqan Baı-О́lke deıtin aımaq bar. Munda qoıyn qurttap, aıranyn urttap, jaımashýaq jatqan jurttyń ózine tán tarıhy bar.
Aıtalyq, О́lgeı qalashyǵynyń ońtústik búıiri Bóken taýdyń eteginde burynǵy 21-shi avtobaza ornalasqan aýmaqta keńestik Gorkıı atyndaǵy avtomobıl zaýytynyń ónimi «GAZ-51» markaly mashınasy eskertkish bolyp tuǵyrda tur (sýrette).
Bul mashınanyń ereksheligi – kezekti kúrdeli jóndeý kórmeı-aq 875 myń shaqyrym joldy júrip ótken. Bul Jer sharyn 14 dúrkin aınalyp shyqqanmen teń eken.
Atalǵan kólikti tizgindegen 1931 jyly týǵan Choıa Sarqynbaıuly alǵash 1965 jyly bul mashınaǵa otyrǵan. Sodan 1979 jylǵa deıin toqtamaı shapqylap, osy aralyqta memleketke 349,8 myń tógrógtiń paıdasyn keltirip, bir ózi «GAZ-51» markaly 26 mashınanyń jumysyn atqarǵan. Nátıjesinde, Choıa aǵamyzǵa Mońǵol eli 1980 jyly Eńbek Eri ataǵyn beripti. Jaryqtyq 2000 jyly Baı-О́lke aımaǵynda dúnıeden ótipti.