Ulttyq qaýipsizdik komıtetiniń qyzmetkerleri halyqaralyq esirtki arnasyn joıdy, dep habarlaıdy Egemen.kz.
UQK baspasóz qyzmetiniń málimdeýinshe, esirtki Qazaqstanǵa Aýǵanstannan jetkizilip otyrǵan.
– Ulttyq qaýipsizdik komıteti prokýratýra organdarynyń kelisimi aıasynda jedel-izdestirý sharalaryn júrgizip, Aýǵanstannan Qazaqstanǵa apıyn esirtkisin kontrabandalyq jolmen turaqty jetkizip turǵan transulttyq esirtki qurylymyn anyqtap, jolyn kesti, - delingen habarlamada.
Almatyda 15 maýsymda júrgizilgen halyqaralyq arnaıy operasııa kezinde esirtki trafıgin uıymdastyrǵan azamat 25 keli esirtki tasymaldaǵan jerinen ustaldy. Anyqtalǵandaı, kúdikti Reseıde osyǵan uqsas qylmysy úshin izdeýde bolǵan.
– Bul adam qylmystyq jaýapkershilikten jaltarý úshin Tájikstan Respýblıkasy azamatynyń jalǵan tólqujatyn paıdalanǵan. Sonymen qatar onyń sybaılasy – Qazaqstan azamaty ustaldy, - dedi vedomstvodaǵylar.
Tergeý materıaldary Qylmystyq kodekstiń 286-baby 4-tarmaǵy jáne 297-baby 3-tarmaǵy boıynsha sotqa deıingi tergeýlerdiń biryńǵaı reestrine tirkeldi.
Esirtki aksııasyna qatysy bar ózge de adamdardy anyqtaý boıynsha jedel tergeý sharalary jalǵasýda.