Batys Qazaqstan oblysynda jol apatynan tórt adam qaza tapty, dep habarlaıdy Egemen.kz.
BQO polısııa departamenti baspasóz qyzmetiniń jetekshi mamany Móldir Sadyrǵalıevanyń málimetinshe, oqıǵa 1 shilde kúni saǵat 21.00-de Jańaqala aýdany aýmaǵynda boldy.
Chapaev-Jańaqala-Saıqyn jolynda Jolqudyq eldi mekeni tusynda 1987 jylǵy júrgizýshi «Lada Granta» avtokóligimen qarsy betke shyǵyp ketken. Sonyń saldarynan 1993 jylǵy júrgizýshi aıdap kele jatqan «VAZ-2107» avtokóligimen betpe-bet soqtyǵysqan.
Jol apatynan 4 adam qaza tapty, sonyń bireýi – 7 jasar bala. Jańaqala aýdandyq ortalyq aýrýhanasyna 8 adam jatqyzyldy, sonyń altaýy – kámeletke tolmaǵandar.
Qazirgi kezde osy oqıǵa boıynsha QR QK 345-baby 4-bóligine sáıkes sotqa deıingi tergeý amaldary júrgizilýde.