Tokıo Olımpıadasynda dzıýdodan kezekti jarys kúni bastaldy, dep habarlaıdy Egemen.kz.
73 kıloǵa deıingi salmaqta synǵa túsken Jansaı Smaǵulov Olımpıadany ekinshi aınalymnan bastady. Ol Tokıo tatamıindegi alǵashqy beldesýinde armenııalyq Ferdınand Karapetıandy jeńdi.
Beldesýdiń negizgi ýaqyty teń aıaqtalyp, qosymsha ýaqytta Jansaı «vazzarı» upaıyn enshiledi. Smaǵulovtyń kelesi qarsylasy - kanadalyq Artýr Margelıdon.