Izraıl óz turǵyndaryn Biotech/Pfizer preparatynyń úshinshi dozasymen vaksınasııalaýǵa daıyndyq júrgizýde, dep habarlaıdy Egemen.kz, Bul jóninde eldiń premer-mınıstri Naftalı Bennet málimdedi dep jazady Reuters.
Pfizer/BioNTech vaksınasynyń úshinshi dozasyn keminde bes aı buryn eki dozamen vaksınasııa kýrsyn aıaqtaǵan 60 jastan asqan adamdar ala alady. Synaq aıasynda 2000 adam úshinshi doza saldyrdy. Synaq barysynda qaýipti janama áserler anyqtalǵan joq.
Bennet 60 jastaǵy Izraıl Prezıdenti Ishak Gersog 30 Shildede preparattyń úshinshi dozasyn alatynyn málimdedi.
«Men eki dozany qabyldaǵan qart adamdardy úshinshisin alýǵa shaqyramyn. Bul aýrý men ólimnen qorǵaıdy», dedi premer-mınıstr.
Izraıl álemde alǵashqylardyń biri bolyp halyqtyń kóp bóligin vaksınasııalady. Sáýir aıynda halyqtyń 60 paıyzy vaksına saldyrdy. 1 maýsymnan bastap Izraıldegi barlyq karantındik shekteýler alynyp tastaldy. Biraq elde delta shtammynyń taralýyna baılanysty 10 kúnnen keıin maska rejımi qaıtaryldy.
Sońǵy aıda Izraılde aýrý kúrt ósti, qazir elde kúnine eki myńǵa jýyq jaǵdaı tirkelip otyr. Maýsym aıynda kún saıyn birneshe ondaǵan adam aýrýǵa dýshar boldy.
Dúnıejúzilik densaýlyq saqtaý uıymy onyń tıimdiligi men qaýipsizdigi týraly derekterdiń bolmaýyna baılanysty úshinshi dozamen vaksınasııalaýdy resmı túrde usynbaı otyr. Onyń ornyna damyǵan elder vırýstyń jappaı órshýi men jańa shtamdardyń paıda bolýyna jol bermeý úshin artyq vaksınalardy basqa elderge jetkize alady dep sanaıdy.