Izraıl 50 jastan asqan adamdarǵa COVID-19 vaksınasynyń úshinshi dozasyn bere bastaǵan birinshi el bolady. Bul týraly The Times of Israel habarlady, dep jazady Egemen.kz.
О́tken aıda Izraıl 60 jastan asqan adamdarǵa COVID-19 vaksınasynyń úshinshi dozasyn bere bastaǵan álemdegi birinshi el boldy. Endi Densaýlyq saqtaý salasyndaǵy sarapshylardyń úkimettik konsýltatıvtik toby vaksınanyń úshinshi dozasyn alýshylar jasyn 50 jasqa deıin tómendetýdi usyndy.
Bir kún buryn premer-mınıstr Naftalı Benet bul usynysty quptady jáne ony «Izraıl azamattarynyń densaýlyǵy úshin durys sheshim jáne delta pandemııasymen kúrestegi mańyzdy qadam», dep atady.
Bennet vaksına saldyrý ortalyqtary shabat dinı rásimine qaramastan, táýlik boıy, aptasyna jeti kún jumys isteıtinin aıtty. Bul vaksınasııa qarqynyn toqtatpaý úshin qajet.
Aıta keteıik, Izraılde pandemııa bastalǵaly beri 924 myńnan astam koronavırýs ınfeksııasyn juqtyryp, 6,6 myńǵa jýyq adam kóz jumǵan. El halqynyń 60%-ǵa jýyǵy vaksınanyń eki dozasyn da aldy.