Qazaqstanǵa alǵash resmı saparmen kelgen Shveısarııa Federaldy Ulttyq Keńesiniń Tóraǵasy Andreas Ebı Májilis Tóraǵasy Nurlan Nyǵmatýlınmen kezdesip, eki el parlamentiniń yntymaqtastyǵyn nyǵaıtýǵa nıetti ekenin bildirdi, dep jazady Egemen.kz.
Nurlan Nyǵmatýlın bul áriptestik kezdesýdiń tarıhı mańyzy tereń dep atap ótti.
Shveısarııa Federaldyq Jınalysy Ulttyq Keńesiniń Tóraǵasy Andreas Ebı óz kezeginde Qazaqstannyń damý qarqynyn joǵary baǵalap, elimizdiń Ortalyq Azııada jetekshi oryn alatynyn basa aıtty. Sondaı-aq Qazaqstan Parlamentiniń demokratııalyq balansty saqtap, ony damytýdaǵy mańyzyn erekshe baǵalady.
«Qazaqstan demokratııalyq máselede úlken jetistikke jetkenin atap ótkim keledi. Bul sizdiń eldegi ekonomıkalyq progress sııaqty mańyzdy ózgeris dep oılaımyn», dedi Andreas Ebı.
Májilis Tóraǵasy Parlamentaralyq ózara árekettestikti nyǵaıtý maqsatynda shveısarııalyq áriptesine yntymaqtastyq toptary deńgeıinde turaqty baılanysyp, zań shyǵarý tájirıbesimen almasý jónindegi mamandandyrylǵan komıtet qurýdy usyndy.
Nurlan Nyǵmatýlın Aýǵanstandaǵy jaǵdaıdy aıta kele, halyqaralyq parlamenttik qoǵamdastyq Aýǵanstandaǵy ulttyq tatýlasý úderisin ilgeriletý qajet degen pikir bildirdi.