Kýrchatovta «Semeı synaq polıgony: radıasııalyq mura jáne ǵylymı-tehnıkalyq áleýettiń damý keleshegi» atty IX halyqaralyq konferensııa ótkizildi, dep habarlaıdy Egemen.kz.
Bıyl QR Prezıdenti N.Á. Nazarbaevtyń Semeı ıadrolyq synaq polıgonyn jabý týraly Jarlyǵyna qol qoıylǵanyna 30 jyl tolyp otyr. Osy mańyzdy oqıǵamen QR Ulttyq ıadrolyq ortalyǵynyń qurylý tarıhy da tyǵyz baılanysty. Osy jyldar ishinde QR UIаO halyqaralyq qoǵamdastyqpen birlesip, burynǵy Semeı polıgony aýmaǵyn qaýipsiz kúıge keltirý boıynsha ǵylymı-tehnıkalyq jáne ınjenerlik jumystar keshenin ótkizdi.
Búgingi tańda burynǵy Semeı polıgony aýmaǵy KSRO áskerı-ónerkásiptik kesheni ınfraqurylymynyń ıadrolyq qyzmetiniń zardaptarynan tolyq tazartyldy dep qanaǵattanǵandyqpen aıtýǵa bolady. Polıgon áskerı qaýip-qater kózinen ǵylymı zertteý obektisine aınaldy. Polıgon aýmaǵyn keshendi ekologııalyq tekserý de aıaqtaldy.
«Onlaın» formatta ótkizilgen konferensııaǵa 20-dan astam eldiń jetekshi mamandary qatysty. QR Energetıka mınıstri N.A. Noǵaev, AQSh-tyń Qazaqstan Respýblıkasyndaǵy Tótenshe jáne О́kiletti elshisi Ýılıam H.Mozer, Japonııanyń Qazaqstan Respýblıkasyndaǵy Tótenshe jáne О́kiletti Elshisi Djýn Iаmada, Reseı Federasııasynyń Qazaqstan Respýblıkasyndaǵy Tótenshe jáne О́kiletti Elshisi Alekseı Nıkolaevıch Borodavkın konferensııa qatysýshylaryna quttyqtaý sózderin arnady.
«Biz qurmetti qonaqtarymyzǵa konferensııaǵa qatysqandyqtary úshin, sondaı-aq Qazaqstannyń halyqaralyq qoǵamdastyqpen birlesip júrgizgen burynǵy Semeı synaq polıgony aýmaǵyn qaýipsiz kúıge keltirýge múmkindik bergen ǵylymı-tehnıkalyq jáne ınjenerlik jumystardy joǵary baǵalaǵany úshin alǵysymyzdy bildiremiz», dep atap ótti QR Ulttyq ıadrolyq ortalyǵynyń bas dırektory Erlan Batyrbekov.
Konferensııada atom energetıkasyn damytýdyń qazirgi zamanǵy betalysy men keleshegi, basqarylatyn termoıadrolyq sıntez tehnologııalary, radıasııalyq ekologııa jáne medısına, ıadrolyq qarýdy taratpaý rejımin nyǵaıtý taqyryptary boıynsha aýqymdy máseleler qarastyryldy.