Qarqaralyda medısınalyq kómek kórsetý aıasy keńeıdi. Munda memlekettik-jekemenshik seriktestik boıynsha ashylǵan gemodıalız ortalyǵy jumys isteı bastady, dep habarlaıdy Egemen.kz.
Endi sozylmaly búırek aýrýy bar naýqastarǵa oblys ortalyǵyna nemese basqa qalalarǵa barýdyń qajeti joq. Ortalyq zamanaýı jabdyqtarmen jabdyqtalǵan. Onyń qýaty kúnine 10 adamǵa deıin qabyldaýǵa múmkindik beredi. Al aýdanda gemodıalızge muqtaj búırek aýrýy bar bes pasıent esepte tur.
«Kúıeýim birneshe jyldan beri aýyryp keledi, ótken jyldan bastap oǵan gemodıalızdy turaqty alý kerektigi belgili boldy. Qaraǵandyǵa únemi barýǵa týra keldi. Bul qaltamyzdy qaǵady. Qarqaralyda osyndaı ortalyqtyń ashylýy – turaqty emdelýdi qajet etetinder úshin úlken qýanysh», deıdi qala turǵyny Qalamqas Tóleýhanova.