Memleket basshysy Qasym-Jomart Toqaev 13 qazanda Nur-Sultan qalasynda ótetin «Parıj kelisiminiń maqsattaryna jáne Qazaqstannyń kómirtegine beıtaraptyǵyna qol jetkizý joldary» atty halyqaralyq konferensııaǵa qatysady. Bul týraly QR Prezıdentiniń baspasóz hatshysy Berik Ýálı áleýmettik jelidegi paraqshasynda jazdy, dep habarlaıdy Egemen.kz.
Is-sharanyń maqsaty – Qazaqstannyń 2060 jylǵa qaraı kómirtegi beıtaraptyǵyna jetý joldaryn, ekonomıkalyq jáne áleýmettik múmkindikterdiń basym baǵyttaryn jáne kómirtegi beıtaraptyǵyna kóshý úshin qomaqty qarajat jumyldyrýdyń mańyzdylyǵyn talqylaý. Konferensııaǵa BUU-nyń joǵary laýazymdy tulǵalary, halyqaralyq sarapshylar, bıznes jáne azamattyq qoǵam, qarjy ınstıtýttary, damý jónindegi seriktester men BAQ ókilderi qatysady.