Táýelsiz Qazaqstan tarıhynda alǵash ret Mońǵolııa syrtqy ister mınıstri resmı saparmen elimizge keldi. Batmýnhıın Batsesegtiń sapary Azııadaǵy О́zara yqpaldastyq jáne senim sharalary jónindegi keńes aıasynda uıymdastyrylǵan, dep jazady Egemen.kz.
Elimizdiń Syrtqy ister mınıstrliginde ótken kezdesý barysynda taraptar saýda-sattyq, ekonomıka jáne mádenıet salalaryndaǵy ekijaqty yntymaqtastyq máselelerin talqylady. Qazaqstan jaǵy aradaǵy taýar aınalymynyń dınamıkasyna oń baǵasyn berdi. О́z kezeginde Mońǵolııa taraby áriptestikti nyǵaıtýǵa daıyn ekenderin jetkizdi.
Eki eldiń Syrtqy ister mınıstrligi ókilderiniń kezdesýi barysynda 2021-2024 jyldarǵa arnalǵan yntymaqtastyq jónindegi josparǵa qol qoıyldy.