Polıseıler 8 qarashadan beri qala aýmaǵynda júrip jatqan «Qaýipsiz jol» jedel-profılaktıkalyq sharasy aıasynda «Aýdı» markaly avtokólik ıesin ustady, dep habarlaıdy Egemen.kz qalalyq PD baspasóz qyzmetine silteme jasap.
Kólik ıesi 2,5 mln teńgeden astam alıment qaryz bolǵan. Er adam sottyń sheshimine qaramastan, 2019 jyldan beri alıment tóleýden jaltaryp kelgen. Budan bólek, júrgizýshiniń jol erejesin buzǵany úshin ákimshilik aıyppuldary bolǵan. Avtokólik tárkilenip, kommýnaldyq turaqqa qoıyldy.
Jedel-profılaktıkalyq shara júrgizilgennen bastap memleket paıdasyna 2 myńnan astam ákimshilik aıyppul óndirilip, 57 kólik quraly arnaıy turaqqa qoıyldy.