FightSpace ıýtýb arnasy orta salmaqtaǵy qazaq oǵlany Jánibek Álimhanuly men WBO tujyrymy boıynsha álem chempıony, amerıkalyq Demetrıýs Andrade arasyndaǵy jekpe-jek jaqyn arada ótpeıtinin jetkizdi, dep habarlaıdy Egemen.kz.
Rasynda da búkilálemdik boks uıymynyń óz erejesi bar. Soǵan sáıkes álem chempıony ózine tıesili belbeýdi toǵyz aıda bir márte qorǵaýy tıis. Iýtýb-arna da osy máseleni alǵa tartqan. Jaqynda ǵana rıngke shyqqan amerıkalyqtyń ýaqyty kóp ekenin eske salǵan.
Iá, shynynda da Andrade men Álimhanuly arasyndaǵy jekpe-jek toǵyz aı kútken tolǵaqtaı bolǵaly tur. Demetrıýstiń komandasy jaqyn kúnderi kelissóz júrgizgenimen, shaıqas ýaqytyn soza túsýge tyrysatyny daýsyz. Sondyqtan bul kezdesý toǵyz aı bederinde ótse de qazaq jankúıerleri úshin úlken olja.