Oqytý ortalyǵynyń sertıfıkattalǵan túlekteri «buildingSMART» halyqaralyq tizimine engiziledi, dep habarlaıdy Egemen.kz.
Qurylys salasyn sıfrlandyrý jónindegi mindetter sheńberinde «Qazaq qurylys jáne sáýlet ǵylymı-zertteý jáne jobalaý ınstıtýty» AQ 2021 jyly turǵyn úıler men ózge de obektilerdi jobalaý jáne salý kezinde jıi paıdalanylatyn 30 memlekettik qurylys normatıvin sıfrlandyrdy.
Nátıjesinde avtomattandyrylǵan rejımde qurylys obektileriniń sıfrlyq modelderin qurylys normalary men erejeleriniń talaptaryna sáıkestigin tekserýge, sol arqyly adamı faktor saldarynan jiberiletin qatelikter táýekelin barynsha azaıtýǵa múmkindik beredi.
Budan basqa, saraptama jumysyn ishinara avtomattandyrýǵa jáne obektilerdi jobalaý, salý jáne paıdalaný prosesteriniń ashyqtyǵyn eleýli túrde arttyrady. Qurylys sapasy men merzimin qysqartýǵa oń áser etedi.
Sonymen qatar Instıtýt 2021 jyly qurylystaǵy Injener-konsýltanttardyń ulttyq qaýymdastyǵymen (RF) QazQSǴZI bazasynda buildingSMART kásibı sertıfıkattaý baǵdarlamasy boıynsha qurylys salasy mamandaryn daıarlaıtyn alǵashqy ortalyq qurý týraly kelisim jasady.
Ortalyq Qazaqstannyń ınjener-jobalaýshylary men qurylysshylaryna emtıhan tapsyryp, búkil álemde tanylatyn qujattar alýǵa, qurylystaǵy aqparattyq modeldeý tehnologııalary boıynsha álemdik deńgeıde oqýǵa múmkindik beredi.
Ortalyqtyń sertıfıkattalǵan túlekteri buildingSMART International ortalyqtandyrylǵan ashyq tizimine engiziledi.