«Qazgıdromet» sınoptıkteri 3 sáýir kúni aýa raıynyń nasharlaýyna baılanysty birqatar óńirde eskertý jarııalady, dep habarlaıdy Egemen.kz.
Atyraý oblysynyń shyǵysynda ońtústik-shyǵystan jel soǵady, ekpini 15-20 m/s quraıdy.
Kúndiz Mańǵystaý oblysynyń soltústiginde naızaǵaı kútiledi. О́ńirdiń batysynda, soltústiginde, shyǵysynda shańdy daýyl turady. Ońtústik-shyǵystan jel soǵady, batysta, soltústik pen shyǵysta ekpini 23 m/s artady.
Aqtóbe oblysyndaa ońtústik-shyǵystan, ońtústikten jel soǵady, kúndiz óńirdiń batysynda, ońtústiginde kúshi 15 m/s artady.
Túnde jáne tańerteń Aqmola oblysynyń ońtústiginde tuman, kóktaıǵaq boljanady. Ońtústik-batystan jel soǵady, óńirdiń soltústiginde, batysynda, shyǵysynda jyldamdyǵy 15-20 m/s kúsheıedi.
Batys Qazaqstan oblysynyń soltústiginde tuman bolady. Jel ońtústikten, ońtústik-batystan soǵady, óńirdiń batysynda, ońtústik-shyǵysynda kúshi 23 m/s jetedi.
Qostanaı oblysynyń soltústiginde tuman, kóktaıǵaq kútiledi. Ońtústik-batystan, ońtústikten jel soǵady, oblystyń batysynda, soltústiginde ekpini 15-20 m/s quraıdy.
Pavlodar oblysynyń ońtústiginde, shyǵysynda tuman boljanady.
Túnde Soltústik Qazaqstan oblysynyń basym bóliginde jaýyn-shashyn (jańbyr, qar) kútiledi. О́ńirdiń soltústiginde tuman, kóktaıǵaq bolady. Ońtústik-batystan jel soǵady, batysta ekpini 15-20 m/s artady.
Kúndiz 3 sáýirde, táýlik boıy 4-5 sáýirde Jambyl oblysynyń ońtústik-batysynda, soltústik-shyǵysynda, taýly aýdandarynda soltústik-shyǵystan jel soǵady, ekpini 15-20 m/s quraıdy.
Almaty oblysynda jylymyqtyn áserinen, qar jamylǵysynyń turaqsyzdyǵy men bıiktiginiń joǵary bolýyna baılanysty Kishi jáne Úlken Almaty sý alabtarynda 3-4 cáýir aralyǵynda qar kóshkini qaýpi saqtalady.
Sondaı-aq 3-6 sáýir aralyǵynda Batys Qazaqstan, Aqtóbe, Qostanaı, Qaraǵandy jáne Soltústik-Qazaqstan oblystarynda jyly aýa temperatýrasynyń saqtalýy men odan ári joǵarylaýyna baılanysty ózen basseınderinde qardyń erýi qarqyn alady. Sol sebepti erigen qar aǵynynyń qalyptasýy, ózenderde muzdyń álsireýi jáne sý deńgeıiniń kóterilýi kútiledi.