Búgin – álemge áıgili boksshy, bokstan WBA/IBF/WBC nusqalary boıynsha orta salmaqtaǵy burynǵy álem chempıony Gennadıı Golovkınniń týǵan kúni, dep habarlaıdy Egemen.kz.
Gennadıı Golovkın 1982 jyly Qaraǵandyda týǵan.
E.Bóketov atyndaǵy Qaraǵandy memlekettik ýnıversıtetiniń dene tárbıesi jáne sport fakýltetin bitirgen (2003).
2003 jyldan beri – «Astana batyry» jekpe-jek klýby» MKQK-da boks jónindegi nusqaýshy – sportshy. Universum Box Promotion múshesi (Nemis kásibı klýby, 2006).
Ol QR birinshiliginiń jeńimpazy (2000-2002);
QR I spartakıadasynyń chempıony; jastar arasyndaǵy álem chempıony (2000);
Shyǵys Azııa oıyndarynyń chempıony (2001);
Azııa oıyndarynyń chempıony (Ońtústik Koreıa, Pýsan, 2002);
jeke synaq boıynsha Álem kýbogynyń chempıony (2002); álem chempıony (2003);
«A» klasty týrnırlerdiń birneshe márte jeńimpazy. 75 kg deıingi salmaqta álem chempıony (Bangkok, Taıland, 2003); Olımpıada oıyndarynyń 75 kg deıingi salmaqtaǵy kúmis júldegeri (Afına, Grekııa, 2004);
«A» klasy týrnırleriniń kóp márte jeńimpazy. Kásipqoı boksta WBO nusqasy boıynsha «Interkontınental» chempıondyq tıtýlynyń ıegeri (2010).
Gennadıı Golovkın – orta salmaqta (73 kg) WBA, IBO jáne WBC nusqalary boıynsha álem chempıony boldy. Kásipqoı boksta 40 jekpe-jek ótkizip, onyń 38-inde jeńiske jetken. QR sport sheberi (2000). Halyqaralyq klastaǵy sport sheberi (2002). Bokstan QR Eńbek sińirgen sport sheberi (2003). «Qurmet» ordenimen marapattalǵan.