Buǵan deıin Qaraǵandy oblysynyń Ishki saıasat basqarmasyn basqarǵan Erlan Qusaıyn Qarqaraly aýdanynyń ákimi bolyp taǵaıyndaldy, dep jazady Egemen.kz oblys ákiminiń baspasóz qyzmetine silteme jasap.
Erlan Beısembaıuly Qusaıynnyń úsh joǵary bilimi bar: 1999 jyly E.A.Bóketov atyndaǵy Qaraǵandy memlekettik ýnıversıtetin, 2006 jyly Qaraǵandy ekonomıkalyq ýnıversıtetin jáne QR Prezıdenti janyndaǵy Memlekettik basqarý akademııasynyń magıstratýrasyn bitirgen.
Eńbek jolyn 1999 jyly Qarqaraly aýdanynda qazaq tili men ádebıeti pániniń muǵalimi bolyp bastap, mektep dırektory qyzmetine deıin kóterildi.
2006 jyldan bastap memlekettik qyzmette. Birneshe jyl oblystyq kásipkerlik jáne ónerkásip basqarmasynda túrli laýazymdarda jumys istedi.
2008 jyldan 2014 jylǵa deıin Qaraǵandy oblysy ákiminiń baspasóz qyzmetinde eńbek etti. Oblystaǵy Buqar jyraý aýdany ákiminiń orynbasary boldy.
2015 jyldyń maýsymynda oblys ákimi apparatynyń Qazaqstan halqy Assambleıasynyń Hatshylyǵyn basqardy. Keıin «Qoǵamdyq kelisim» KMM dırektory bolyp taǵaıyndaldy.
2020 jyldyń sáýirinen bastap osy ýaqytqa deıin Qaraǵandy oblystyq Ishki saıasat basqarmasynyń basshysy laýazymynda boldy.
***
Qaraǵandy qalasyndaǵy Qazybek bı atyndaǵy aýdannyń ákimi bolyp buǵan deıin Qarqaraly aýdanynyń basshysy qyzmetin atqarǵan Eldar Dúısetaev taǵaıyndaldy.
Eldar Serikuly Dúısetaevtyń úsh joǵary bilimi bar: 2003 jyly E.A. Bóketov atyndaǵy Qaraǵandy memlekettik ýnıversıtetin, 2006 jyly Qaraǵandy ekonomıkalyq ýnıversıtetin jáne 2019 jyly «Bolashaq» baǵdarlamasy boıynsha Ońtústik Kalıfornııa ýnıversıtetin támamdaǵan.
Eńbek jolyn 2003 jyly Qarqaraly qalasynyń №2 orta mektebinde muǵalim bolyp bastady.
2003 jyldan beri memlekettik qyzmette. Qaraǵandy oblysynyń jergilikti atqarýshy organdarynda, QR Tabıǵı monopolııalardy retteý agenttiginde jáne onyń aýmaqtyq bólimshelerinde jumys istegen.
Qaraǵandy oblysy ákimi apparaty basshysynyń orynbasary boldy. 2019 jyldyń jeltoqsan aıynan qazirgi ýaqytqa deıin Qarqaraly aýdanynyń ákimi qyzmetin atqardy.