Úkimette Ekonomıkalyq yntymaqtastyq jáne damý uıymymen ózara is-qımyl jónindegi keńes otyrysy ótti, dep habarlaıdy Egemen.kz Úkimettiń resmı saıtyna silteme jasap.
Keńeste baıandama jasaǵan ulttyq ekonomıka mınıstri Álibek Qýantyrov EYDU-men tıimdi yntymaqtastyqty jalǵastyrý úshin Qazaqstannyń Eýrazııalyq básekege qabilettilik baǵdarlamasyna qatysýy týraly kelisimniń qoldanylý merzimin 2024 jylǵy 1 qańtarǵa deıin uzartý qajet ekenin habarlady.
Baǵdarlama ınvestısııalar tartý, Eýrazııada básekege qabilettilikti arttyrý jáne jeke kásipkerlikti damytý maqsatynda iske asyrylady. Qazaqstan oǵan 2008 jyldan beri qatysyp keledi.
Budan basqa, EYDU jelisi boıynsha yntymaqtastyqtyń basym salalaryn aıqyndaıtyn negizgi qujat bolyp tabylatyn Qazaqstan Úkimeti men EYDU arasyndaǵy О́zara túsinistik týraly memorandýmnyń qoldanysyn 2023-2026 jyldarǵa uzartý talap etiledi. Sondaı-aq keńes barysynda QR memlekettik organdaryn uıymnyń qurylymdyq bólimshelerine bekitetin Qazaqstannyń EYDU-men 2025 jylǵa deıingi ózara is-qımylynyń ózektendirilgen baǵdarlamasy qaraldy.
Jańartylǵan baǵdarlamanyń negizgi baǵyttary ulttyq statıstıka, sybaılas jemqorlyqqa qarsy kúres, bıznes ortany damytý jáne ınvestısııalar tartý, memlekettik basqarý jáne zań ústemdigi boldy. Keńeste uzaq merzimdi seriktestikke jańa serpin berý úshin EYDU tarapy bastamashy bolǵan 2022-2025 jyldarǵa arnalǵan Is-qımyl josparynyń (Action Plan) jobasy qaraldy.
Action Plan-ǵa birqatar taqyryptyq sholý (eldiń ekonomıkalyq júıesiniń aǵymdaǵy jaı-kúıiniń EYDU standarttaryna sáıkestigine taldaý jasaý kiredi, onyń nátıjesi boıynsha usynymdar beriledi), úsh quqyqtyq quralǵa qosylý (EYDU normatıvtik qujattary, onyń ishinde sheshimder, usynymdar men kodekster) jáne taldamalyq quraldar boıynsha jumys júrgizý kiredi.
Sondaı-aq keńes barysynda bizdiń elimiz qabyldaǵan mindettemeler sheńberinde EYDU jelisi boıynsha Qazaqstanda jumys isteıtin Ulttyq baılanys ortalyǵynyń qyzmeti qaraldy. UBO maqsaty – transulttyq kompanııalardyń EYDU-nyń bıznesti jaýapkershilikpen júrgizý jónindegi basshylyq qaǵıdattaryn buzýy týraly ótinishterdi qaraý. Qazaqstan aýmaǵynda UBO tıimdi jumys isteýi úshin 2022 jylǵa arnalǵan is-sharalar jospary ázirlendi, onda uıymdastyrý is-sharalary: normatıvtik quqyqtyq bazany qalyptastyrý, semınarlar/vebınarlar ótkizý, ótinishterdi qaraý qamtylady.
Premer-Mınıstr EYDU-men yntymaqtastyqtyń atalǵan baǵyttaryn maquldady. Bul rette Álıhan Smaıylov Qazaqstan úshin mańyzdy emes shyǵyndardy alyp tastaý úshin birqatar jekelegen tarmaqty oryndaýdyń oryndylyǵyn taǵy bir pysyqtaýdy tapsyrdy.
«Búgin aıtylǵan máselelerdiń mańyzy zor. EYDU usynymdaryn júzege asyrý jáne standarttaryn engizý – Uıymǵa qosylýmen qatar, Qazaqstan azamattarynyń ál-aýqatyn jaqsartýdyń da negizgi qadamy», dep atap ótti Úkimet basshysy.