Urlyqqa túserde úıde adamnyń, dabyl júıesiniń joqtyǵyna ábden kóz jetkizgen, dep habarlaıdy Egemen.kz
Belgili bolǵandaı, ustalǵandar bir-birimen jaqyn týys bolyp shyqqan. Olar Túrkistan oblysyna qarasty Qazyǵurt, Keles, Ordabasy jáne Saryaǵash aýdandarynyń turǵyndaryn taqyrǵa otyrǵyzyp, jalpy kólemi 100 mıllıon teńgeden asa zalal keltirgen.
Aldymen polıseılerdiń nazaryna 26 jastaǵy er adam túsipti. Teksere kele ol óziniń týǵan-týystarymen sybaılas bolǵan.
Urlyqqa túserde úıde adamnyń, dabyl júıesiniń joqtyǵyna ábden kóz jetkizgen. Tipti úı ıeleriniń kún tártibine deıin zerttepti. Qoldy qylǵan zattaryn lombardtarǵa ótkizip, aqshany ózara bólisip otyrǵan.
Tintý kezinde esik-terezeni buzýǵa arnalǵan 32 túrli qural-saıman, kiltter, 52 zergerlik buıym men urlanǵan zattardy tasyǵan avtokólik tárkilendi.
Toptyń uıymdastyrýshysy men eki múshesi ustaldy. Taǵy bir kúdiktiden eshqaıda ketpeý týraly qolhat alynǵan.
«1996 jyly Maqtaaral aýdanynda týylǵan azamat kúdikti retinde anyqtalyp, Qazyrǵurt aýdandyq polısııa bólimine jetkizildi. Tergep tekserý barysynda ol óziniń qylmysyn tolyqtaı moıyndady», dedi Qazyǵurt aýdany polısııa bóliminiń tergeýshisi Dastan Toqtabaı.
Gúldana Elýbaı