Maýsymnan bastap qazaqstandyqtar joǵarylatylǵan zeınetaqy men járdemaqy ala bastaıdy, dep habarlaıdy Egemen.kz «Azamattarǵa arnalǵan úkimet» Memlekettik korporasııasyna» silteme jasap.
Vedomstvo málimetinshe, 2022 jyldyń 12 mamyrynda qabyldanǵan «2022-2024 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» Zańy sheńberinde 2022 jyldyń 1 sáýirinen bastap ınflıasııanyń 2022 jylǵa arnalǵan dálizin qaıta qaraýdy eskere otyryp, memlekettik áleýmettik saqtandyrý qorynan (MÁSQ) tólenetin yntymaqty zeınetaqy men áleýmettik tólemderdiń mólsheri qosymsha 4 paıyzǵa ındeksteldi, al eń tómengi kúnkóris deńgeıi (ETKD) men aılyq eseptik kórsetkish (AEK) kóleminiń ózgerýine baılanysty bazalyq zeınetaqy men járdemaqy mólsheri 4 paıyzǵa artty.
Zańǵa sáıkes 1 sáýirden bastap:
Aılyq eseptik kórsetkish (AEK) - 3 180 teńge mólsherinde;Eń tómengi zeınetaqy - 48 032 teńge;Eń tómengi kúnkóris deńgeıi (ETKD) - 37 389 teńge;Bazalyq zeınetaqy tóleminiń eń tómengi mólsheri - 20 191 teńge.
Maýsym aıynan bastap zeınetaqy men járdemaqy alýshylar sáýir jáne mamyr aılarynyń qosymsha aqysyn eskere otyryp, tólemderdi joǵary mólsherde alatyn bolady.