Búgin elimizde ótip jatqan Konstıtýsııaǵa ózgerister men tolyqtyrýlar jónindegi jalpyhalyqtyq referendýmda saǵat 10.00-de qansha adamnyń daýys bergeni belgili boldy, dep habarlaıdy Egemen.kz.
Ortalyq saılaý komıssııasynyń múshesi Sábıla Mustafına oblystardyń, respýblıkalyq mańyzy bar qalalardyń, elordanyń komıssııalary usynǵan derekterge sáıkes, 2022 jylǵy 5 maýsym saǵat 10.00-degi jaǵdaı boıynsha tizimge engizilgen azamattardyń jalpy sanynyń 28,59 % bıýlleten alǵanyn aıtty.
Onyń ishinde:
Aqmola oblysy boıynsha – 26,63 %
Aqtóbe oblysy boıynsha – 25,62 %
Almaty oblysy boıynsha – 28,53 %
Atyraý oblysy boıynsha – 29,87 %
Batys Qazaqstan oblysy boıynsha – 32,20 %
Jambyl oblysy boıynsha – 32,16 %
Qaraǵandy oblysy boıynsha – 33,56 %
Qostanaı oblysy boıynsha – 30,14 %
Qyzylorda oblysy boıynsha – 28,87 %
Mańǵystaý oblysy boıynsha – 23,67 %
Pavlodar oblysy boıynsha – 33,14 %
Soltústik Qazaqstan oblysy boıynsha – 34,17 %
Túrkistan oblysy boıynsha – 33,15 %
Shyǵys Qazaqstan oblysy boıynsha – 29,88 %
Nur-Sultan qalasy boıynsha – 24,18 %
Almaty qalasy boıynsha – 13,91 %
Shymkent qalasy boıynsha – 34,19 %.
Azamattardyń ýchaskelerge kelýi týraly kelesi aqparat elorda ýaqyty boıynsha saǵat 12.00-de, 14.00-de, 16.00-de, 18.00-de jáne 20.00-de beriletin bolady. Al azamattardyń ýchaskelerge kelýi týraly aldyn ala jasalatyn jalpy qorytyndy aqparat saǵat 22.00-de beriledi.
Aıta keteıik, búgin elimizde Konstıtýsııaǵa ózgerister engizý boıynsha respýblıkalyq referendým ótip jatyr.
Osydan týra bir aı buryn Prezıdent Qasym-Jomart Toqaev 5 maýsymda respýblıkalyq referendým ótkizý týraly Jarlyqqa qol qoıǵan bolatyn.
Barlyǵy respýblıka boıynsha 10 013 daýys berý ýchaskesi jumys isteıdi. Qazaqstandyqtar sondaı-aq shetelderde daýys berýge quqyly.
Referendýmda daýys berýge quqyly azamattardyń tizimine 11,7 mln saılaýshy qosylǵan. Barlyǵy 10 013 referendým ýchaskesi iske qosyldy.
Barlyq saılaý ýchaskesi tańǵy 7:00-den 20:00-ge deıin jumys isteıdi.