QR Úkimetiniń qaýlysymen Marat Edigeuly Shoranov basqa jumysqa aýysýyna baılanysty Qazaqstan Respýblıkasynyń densaýlyq saqtaý birinshi vıse-mınıstri qyzmetinen bosatyldy, dep habarlaıdy Egemen.kz Úkimettiń Telegram kanalyna silteme jasap.
Marat Edigeuly Shoranov 1975 jyly 24 tamyzda Almaty qalasynda dúnıege kelgen.
Akademık B.Ý.Jarbosynov atyndaǵy Qazaq memlekettik medısına ýnıversıtetin, Ýrologııa ǵylymı ortalyǵynyń aspırantýrasyn bitirdi.
Rollins School of Public Health (Emory University) magıstri, qoǵamdyq densaýlyq saqtaý magıstri, medısına ǵylymdarynyń kandıdaty.
Akademık B.Ý. Jarbosynov atyndaǵy Ýrologııa ǵylymı ortalyǵynda (Almaty), radıasııalyq medısına jáne ekologııa QazǴZI (Semeı), QR Densaýlyq saqtaý mınıstrliginde jumys istedi.
2008–2009 jyldary – QR Densaýlyq saqtaý mınıstrligi «Densaýlyq saqtaýdy damytý ınstıtýty» RMK dırektory (Almaty).
2009–2011 jyldary – Emory ýnıversıtetiniń Klınıka jobalary boıynsha menedjeri (Emory University, Rollins School of Public Health, Atlanta, AQSh).
2012 jyl – QR Densaýlyq saqtaý mınıstrligi «Densaýlyq saqtaýdy damytý respýblıkalyq ortalyǵy» RMK ekologııalyq zertteýler ortalyǵynyń basshysy (Astana qalasy). 2012–2013 jyldary – QR Densaýlyq saqtaý mınıstrliginiń «Densaýlyq saqtaýdy damytý respýblıkalyq ortalyǵy» RMK bas dırektorynyń medısınalyq ǵylym jáne bilim jónindegi orynbasary.
2013–2014 jyldary – QR Densaýlyq saqtaý mınıstrligi Strategııalyq damý departamentiniń dırektory. 2014–2015 jyldary – QR Densaýlyq saqtaý jáne áleýmettik damý mınıstrligi Medısınalyq qyzmetterdi standarttaý departamentiniń dırektory.
2015 jyly – «Ulttyq medısınalyq holdıng» AQ transformasııa departamentiniń dırektory. 2016–2017 jyldary – «University Medical Center» korporatıvtik qorynyń basqarýshy dırektory. 2017-2019 jyldary Shyǵys Qazaqstan oblysy Densaýlyq saqtaý basqarmasynyń basshysy.
2019 jyldyń sáýir-qyrkúıek aılarynda Nur-Sultan qalasy Qoǵamdyq densaýlyq saqtaý basqarmasynyń basshysy qyzmetin atqardy.
2019-2020 jyldary – «Áleýmettik medısınalyq saqtandyrý qory» KEAQ basqarma tóraǵasynyń orynbasary. 2020 jyldyń maýsymynan osy ýaqytqa deıin Qazaqstan Respýblıkasy densaýlyq saqtaý birinshi vıse-mınıstri qyzmetin atqaryp keldi.