Búgin Májiliste Memleket basshysy Q.K. Toqaevtyń 2021 jylǵy 1 qyrkúıektegi «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyn iske asyrý aıasynda «Qazaqstannyń sý salasyn damytý perspektıvalary» taqyrybynda Parlamenttik tyńdaý ótti, dep jazady Egemen.kz.
О́z sózinde S.Shápkenov óńirdegi sý salasynyń jaǵdaıy men damý perspektıvalary týraly aıtyp, bul máseleniń asa ózekti ekenin atap ótti. Ol depýtattarǵa Atyraý oblysyndaǵy negizgi sý obektileri Aqtóbe oblysynan keletin Jem, Saǵyz, Oıyl ózenderi, Reseı Federasııasynan bastaý alatyn Jaıyq jáne Qıǵash ózenderi, sondaı-aq Qurmanǵazy aýdanyndaǵy Qoıandy jáne Qyzylqoǵa aýdanyndaǵy Taısoıǵan jer asty sýlarynyń eki ken orny bolyp tabylatynyn eske saldy.
Baıandama barysynda Atyraý oblysy halqynyń 70%-y Jaıyq ózeninen aýyz sý alatynyn atap ótti. Bul oblys ortalyǵy jáne turǵyndardyń jalpy sany 468 myń adamdy quraıtyn úsh aýdan. Halyqtyń taǵy 24%-y (úsh aýdan – 162 myń turǵyn) Astrahan-Mańǵyshlaq magıstraldy sý tartqyshynan sý alady. Budan basqa, qubyrǵa «Teńizshevroıl» (TShO), «KUS» (KarabatanUtilitySolutions), «Bolashaq» zaýyty (NCOC) sııaqty iri ónerkásiptik kásiporyndar, sondaı-aq sharýa qojalyqtary qosylǵan. Atyraý oblysy halqynyń qalǵan 6%-y, bul shamamen 38 myń adam, turǵyndar sýdy jer asty kózderinen alady.
Búgingi kúni óńir halqyn ortalyqtandyrylǵan aýyz sýmen qamtamasyz etý deńgeıi 99,6%-dy, aýyldyq eldi mekender boıynsha 83%-dy nemese 128 aýyl men kentti quraıdy.
- Alaıda, Atyraý qalasy men Maqat aýdanynda halyqty aýyz sýmen qamtamasyz etetin sý tazartý qurylystary ótken ǵasyrdyń 30-60 jyldary salynǵanyn eskergen jón. Qazir olar apatty jaǵdaıda tur. Qazirdiń ózinde aýyz sý tapshylyǵy bar, aldaǵy bes jylda onyń tapshylyǵy 40%-ǵa deıin artýy múmkin, - dedi S.Shápkenov.
Onyń aıtýynsha, osyǵan baılanysty taǵy eki sý tazartý stansııasyn iske qosý josparlanýda. Astrahan-Mańǵyshlaq magıstraldyq sýaǵarynyń ótkizý qabiletiniń josparly ulǵaıýyna qaramastan, júrgizilgen esep boıynsha sý tapshylyǵynyń týyndap otyrǵanyn kórsetedi. Aldymen halyqty taza aýyz sýmen qamtamasyz etýge basymdyq berý qajet, alaıda munda óńir ekonomıkasynyń negizin qalyptastyratyn iri ónerkásiptik kásiporyndardyń da máselelerin sheshý qajet.
Sondyqtan, sý ótkizgishtiń ótkizý qabiletin arttyrý úshin ony qaıta jańartýdy jáne josparlanǵan jóndeý jumystaryn kesheýildetýge bolmaıdy dep sanaımyz jáne sizden qoldaýlaryńyzdy suraımyz, - dedi Atyraý oblysynyń ákimi depýtattarǵa.
Ol sondaı-aq, aýyz sý tapshylyǵyn sheshý úshin Kókjıde tushy sý ken ornynyń áleýetin paıdalaný qajet ekenin eske saldy. Bul, árıne, halyqtyń densaýlyǵyn jaqsartýǵa oń áserin tıgizedi. Osyǵan baılanysty S.Shápkenov Ekologııa mınıstrligine tehnıkalyq-ekonomıkalyq negizdemeni birlesip daıyndaý jóninde ótinish bildirdi.