Qazaqstanda zeınet jasyna tolýyna baılanysty aı saıynǵy ortasha tólem 29 360 teńge, al eń joǵary tólem 707 myń teńgeden asty, dep habarlaıdy Egemen.kz.
«Kiris aǵyndary, atap aıtqanda, jarnalar bıyl kóbeıdi. 2022 jyldyń bes aıynda salymshylardyń shottaryna shamamen 661,9 mlrd teńge kóleminde zeınetaqy jarnalary tústi, bul 2021 jyldyń sáıkes kezeńindegi kórsetkishten 29% nemese 147,2 mlrd teńgege kóp. О́sim jarnalardyń barlyq túri boıynsha bolǵanyn atap ótý kerek. Jarnalardyń jalpy kóleminiń 95,1% MZJ boıynsha túsimder quraıdy», dep málimdedi BJZQ baspasóz qyzmeti.
Jyl basynan beri salymshylarǵa 947,5 mlrd teńge tólendi. Onyń basym bóligin turǵyn úı jaǵdaıyn jaqsartý jáne emdeý maqsatyna arnalǵan birjolǵy zeınetaqy tólemderi qurady.
«BJZQ-dan keste boıynsha zeınet jasyna tolýyna baılanysty aı saıynǵy ortasha tólem 29 360 teńge, al aı saıynǵy eń joǵary tólem 707 326 teńge boldy», delingen habarlamada.