QR Energetıka mınıstri Bolat Aqsholaqov AQSh-tyń Qazaqstandaǵy ýaqytsha senimdi ókilimen jáne AQSh Memlekettik departamentiniń «Qaýip-qaterdi birlesip azaıtý» baǵdarlamasynyń ıadrolyq qarýdy taratpaý jónindegi halyqaralyq qaýipsizdik bıýrosynyń ókilderimen kezdesti, dep habarlaıdy Egemen.kz QR Energetıka mınıstrliginiń baspasóz qyzmetine silteme jasap.
Onyń barysynda Amerıka tarapy FIRST – «Shaǵyn modýldik reaktorlar tehnologııalaryn jaýapty paıdalanýǵa arnalǵan bazalyq ınfraqurylym» baǵdarlamasyna qatysýdy usyndy.
«Baǵdarlama ıadrolyq qaýipsizdik pen taratpaý jónindegi halyqaralyq standarttarǵa sáıkes atom energetıkasyn damytýdyń ulttyq baǵdarlamasyn ázirleýde áleýetti arttyrýda AQSh-tyń seriktes elderine qoldaý kórsetýge baǵyttalǵan.
Baǵdarlama álemde engizilip jatqan AES-ke arnalǵan ozyq ıadrolyq tehnologııalarmen jáne jańa ınnovasııalarmen tanysýǵa múmkindik beredi», delingen mınıstrlik habarlamasynda.