Madrıdtiń tarıhı ortalyǵynda ornalasqan kınoteatrynda «Ulttyq kınony qoldaý memlekettik ortalyǵy» KEAQ pen Qazaqstannyń Ispanııadaǵy elshiliginiń qoldaýymen Qazaqstandyq kıno kúnderiniń resmı ashylý rásimi ótti, dep habarlaıdy Egemen.kz SIM-ge silteme jasap.
Is-sharaǵa Ispanııanyń Syrtqy ister, Eýropalyq odaq jáne yntymaqtastyq mınıstrliginiń ókilderi, dıplomatııalyq korpýs, qazaqtandyqtar dıasporasy, sheteldik kınosúıer qaýym qatysty.
Qazaqstan elshisi Konstantın Jıgalov bul shara bıyl atap ótiletin eki el arasyndaǵy dıplomatııalyq qarym-qatynastar ornaǵanynyń 30 jyldyǵyna oraılastyrylǵanyn aıtty.
K. Jıgalov 2016 jyldan beri «Qazaqfılm» kınostýdııasy men Qazaqstan elshiliginiń qoldaýymen Barselonada ótetin jyl saıynǵy Azııa kınofestıvalinde qazaqstandyq fılmder turaqty túrde kórsetilip kele jatqanyna toqtaldy.
Ásem ónerler ortalyǵynda rejısser Ernar Nurǵalıevtiń «Alǵa» jáne rejısser Farhad Sháripovtiń «Shema» fılmderiniń eýropalyq premerasy ótip, oǵan F. Sháripov jáne «Alǵa» fılminiń prodıýseri Maksım Akbarov qatysty.
Madrıdtegi qazaq kınosynyń kúnderi kópshiliktiń kóńilinen shyqty. Búginniń ózinde Ispanııanyń ortalyq gazetteriniń biri – «La Vanguardia» basylymynda osy oqıǵaǵa arnalǵan materıal jarııalandy.