Elordanyń máslıhaty «Qazaqstan Respýblıkasynyń elordasy - Astana qalasynyń rámizderi týraly» qujat daıyndady, dep habarlaıdy Egemen.kz.
Atap aıtqanda, qujat elorda rámizderiniń sıpattamasy men paıdalaný tártibin bekitedi.
Qujatqa sáıkes, Astana qalasynyń eltańbasy kógildir tús aıasynda altyn tústi «Báıterek» pen «Shańyraq» beınelengen eki nyshan ornalasqan dóńgelekti bildiredi. «Báıterek» belgisi negizinde «Qusqanaty» oıýy ornalasqan, onyń tómengi jaǵynda stıldi «N» árpi ornalasqan, «Qusqanaty» oıýy jáne «N» árpi altyn túske boıalǵan. «Shańyraq» belgisi men «Qusqanaty» oıýynyń syrtqy jaǵy jasylmen kómkerilgen. Syrtqy saqınanyń kómkerilgen jerinde sol jáne oń jaqtarynda qyzyl aıada altyn tústi «Bórikóz» oıýy ornalasqan. Eltańbanyń tómengi jaǵynda altyn tústes aıada qyzyl tústi «ASTANA» degen jazýy bar. «ASTANA» jazýynyń sol jáne oń jaǵynda altyn tústi úsh sımmetrııaly syzyqtar ornalasqan.
Astana qalasynyń týy eni men uzyndyǵy 1:2 qatynastaǵy ortasynda Astana qalasynyń eltańbasy ornalasqan tik buryshty jaımatósemdi bildiredi, odan jan-jaqqa altyn tústegi kún sáýleleri shashylyp turady.
Máslıhat sheshiminiń jobasy 4 qazanǵa deıin «Ashyq NQA» saıtyna ornalastyrylǵan.