ASTANA. 18 mamyr. Indýstrııalandyrýdyń ekinshi besjyldyǵyna arnalǵan baǵdarlama sheńberinde otandyq avtozaýyttar jylyna 190 myń jeńil kólik shyǵarady dep kútilýde. Bul týraly primeminister.kz habarlady.
Ortalyq kommýnıkasııalar qyzmetindegi jıynda Úkimet basshysynyń orynbasary, Indýstrııa jáne jańa tehnologııalar mınıstri Áset Isekeshev avtomobıl jasaý salasynyń aldynda óndiris kólemin jylyna 37 myńnan 190 myń avtomobılge, eksportty 30 paıyzǵa deıin jetkizý mindeti turǵanyn sóz etti.
Onyń sózine qaraǵanda, ındýstrııalandyrýdyń ekinshi besjyldyq baǵdarlamasy aıasynda óńirler boıynsha ónerkásiptiń damýy jáne taıaý bes jylda qandaı da bir salalardy damytý boıynsha oblystardyń áleýetti múmkindikteri alǵash ret taldanǵan.
Sondaı-aq, klasterderdiń birneshe túrin óristetý de josparda bar.
Brıfıngte belgili bolǵandaı, memlekettik kómektiń shamamen 80 paıyzy basymdyqty salalardy damytatyn kásiporyndarǵa beriledi.
Mamyrdyń sońyna deıin ındýstrııalyq-ınnovasııalyq damý baǵdarlamasy Prezıdent ákimshiligi qaraýyna joldanbaq. Bul jóninde Á.Isekeshev: «Qazir 2020 jylǵa deıingi ındýstrııalyq-ınnovasııalyq damý baǵdarlamasy ázirlenýde. Osy aıdyń aıaǵyna deıin baǵdarlama Prezıdent ákimshiligi qaraýyna jiberiledi», – dedi.
Mınıstrdiń aıtýynsha, ekinshi besjyldyqtyń baǵdarlamasyn osy jyly aıaqtalǵaly turǵan baǵdarlamanyń jalǵasy dep bilý kerek. Aldaǵy besjyldyqta basymdyq berilgen salalardyń sany az bolatyn kórinedi. Olardyń qatarynda munaı óńdeý, hımııa ónerkásibi, tamaq ónimderin shyǵarý, mashına jasaý, qurylys zattary men metallýrgııa salalary bar.
Bul baǵdarlamada klasterlerdi damytý jáne ınnovasııalar men tehnologııalyq jańǵyrtýǵa meıilinshe kóbirek kóńil bólinbek.
Joldybaı Bazar.
Derekkóz: primeminister.kz.
Foto: Voxpopuli.kz.