ASTANA. 18 mamyr. Búgin Qazaqstannyń 6 qalasynda fýtboldan Qazaqstannyń premer-lıga komandalary arasyndaǵy chempıonaty 12-týrynyń oıyndary oınaldy. Bul týraly egemen.kz tilshisi habarlady.
Týrda eki iri esep tirkeldi. Olardyń birinde «Aqtóbe» óz alańynda Qaraǵandynyń «Shahterin» 4:0 etip utsa, Pavlodardyń «Ertisi» Semeıdiń «Spartagy» qaqpasyna jaýapsyz 5 gol soqty.
Taǵy eki komanda jeńis toıyn toılady. «Qaırat» Almatyda Taldyqorǵannyń «Jetisýyn» 2:1 etip utty. Al Qyzylordanyń «Qaısary» Tarazda jergilikti komandany 1:0 etip tize búktirdi.
Qalǵan eki oıynda jeńimpazdar anyqtalmady. Osylaısha «Astana» - «Ordabasy» 1:1 esebimen teń oınasa, Qostanaıda «Tobyl» men «Atyraý» kezdesýinde esep ashylmady.
Damır Qojamqul.
Derekkóz: egemen.kz.
Foto: Sports.kz.