ASTANA. 19 mamyr. Túrkııa polısııasy 13 mamyrda Soma qalasy mańyndaǵy kómir shahtasynda oryn alǵan apatqa baılanysty 18 adamdy tutqynǵa aldy. Bul týraly Lenta.ru habarlady.
Qamaýǵa alǵandardyń arasynda shahtanyń qojaıyndary da bar kórinedi. Ustalǵandardyń barlyǵyna qyzmetine salǵyrt qaraǵan degen aıyp taǵylýda. Esterińizge sala keteıik, 13 mamyrda Túrkııanyń Soma qalasy mańyndaǵy kómir shahtasynda jarylys bolǵan. Resmı derekterge qaraǵanda, izdeý jumystary nátıjesinde 485 jumysshy qutqarylǵan. Al apat saldarynan 301 adam qaza bolǵan. Bul apattan keıin Túrkııanyń kóptegen qalalarynda qarsylyq aksııasy ótti. Oǵan qatysýshylar el úkimetin kenshilerdiń qaýipsizdigin tıisti deńgeıde qamtamasyz ete almaýda dep aıyptady. Aıdar О́risbaev. Derekkóz: Lenta.ru. Foto: Polit.ru.
•
19 Mamyr, 2014
Túrkııa shahtasyndaǵy apatqa baılanysty 18 adam qamaýǵa alyndy
290 ret
kórsetildi