ASTANA. 19 mamyr. 31 mamyrda Astanada Saıası qýǵyn-súrgin jáne asharshylyq qurbandaryn eske alý kúni qarsańynda túrli sharalar uıymdastyrylady. Bul týraly astana.kz habarlady.
El tarıhyndaǵy qaraly kúnderdi, taǵdyrdyń talaıymen asharshylyqqa, saıası qýǵyn-súrginge ushyraǵan bozdaqtardy jadymyzdan óshirmeýge tıistimiz. Sondyqtan, 31 mamyr – Saıası qýǵyn-súrgin jáne asharshylyq qurbandaryn eske alý kúnine oraı Astanada kóptegen sharalar júzege asyrylady.
Atalǵan saıtta habarlanǵandaı, ALJIR murajaıyndaǵy «Eske alý qabyrǵasyna» jáne 1932-33 jyldardaǵy asharshylyq qurbandaryna arnalǵan monýmentke gúl qoıý rásimi jáne mıtıng uıymdastyrylady. Budan bólek, Sáken Seıfýllın atyndaǵy murajaıda «Armanda ketken arystar» taqyrybynda ekskýrsııalar ótedi. Al Q.Qýanyshbaev atyndaǵy memlekettik akademııalyq qazaq mýzykalyq drama teatrynda Sh.Aıtmatovtyń «Ǵasyrdan da uzaq kún» spektakli qoıylady.
Buǵan qosa, Táýelsizdik saraıynda kópshilikke «Terrıtorııany joqtaý» atty kórme usynylady. Bul kórme tamyz aıynyń ortasyna deıin jalǵaspaq.
Joldybaı Bazar.
Derekkóz: astana.kz.
Foto: i-news.kz.