ATYRAÝ. 19 mamyr. Atyraýda prokýrorlyq yqpal etý sharalary negizinde Qazaqstanda týylǵan tulǵany hespýblıka sheginen májbúrlep shyǵarý jónindegi zańsyz sot aktisiniń kúshi joıyldy. Bul týraly egemen.kz tilshisi habarlady.
Oqıǵanyń bylaısha órbigeni belgili bolyp otyr. Memlekettik shekara syzyǵynan ótken kezde bir azamattyń kóshi-qon kartochkasy bolmaǵan. Sol sebepti oǵan qatysty Ákimshilik quqyq buzýshylyq týraly Kodekstiń 391-1-babynyń 3-bóligimen «azamattyǵy joq adam Qazaqstan Respýblıkasy memlekettik shekarasynyń rejımin buzdy» degen negizben ákimshilik quqyq buzýshylyq týraly hattama toltyrylǵan.
Istiń sotta qaralýy nátıjesinde sot qaýlysymen quqyq buzýshy retinde tanylǵan azamatty 2 táýlik merzimge ákimshilik qamaýǵa alý arqyly Qazaqstan Respýblıkasy aýmaǵynan shyǵarý uıǵarylǵan. Qabyldanǵan sot aktisiniń zańdylyǵyn tekserý kezinde quqyq buzýshynyń azamattyǵy joq tulǵa bolyp tabylmaıtyny, ıaǵnı, týý týraly kýálikke saı onyń Qazaqstanda týylǵany jáne ol jaqyn-týystarymen, januıasymen Qurmanǵazy aýdanynda turatyny belgili boldy.
Apellıasııalyq satydaǵy sotpen zańsyz sot qaýlysynyń kúshi joıylyp, ákimshilik is júrgizý óndirisi «isti» bolǵan azamattyń áreketinde quqyq buzýshylyqtyń quramy bolmaýyna baılanysty óndiristen qysqartyldy.
Joldasbek Shópeǵul.
Derekkóz: egemen.kz.
Foto: juvencourt-korda.kz.