Ázerbaıjan Prezıdenti Ilham Álıevtiń Pragada Fransııa prezıdenti Emmanýel Makronmen, Eýropalyq Odaq Keńesiniń Prezıdenti Charlz Mıshelmen jáne Armenııa premer-mınıstri Nıkol Pashınıanmen kezdesýi aıaqtaldy, dep habarlaıdy Egemen.kz AZERTADJ saıtyna silteme jasap.
Elıseı saraıynyń resmı saıtynda jarııalanǵan málimdemede Armenııa men Ázerbaıjan BUU Jarǵysy men 1991 jylǵy Almaty deklarasııasyna degen adaldyqtaryn taǵy da kórsete otyryp, bir-biriniń aýmaqtyq tutastyǵy men egemendigin moıyndaıtyny aıtylǵan. Taraptar bul delımıtasııa jónindegi komıssııanyń qyzmeti úshin negiz bolyp tabylatynyn jáne Komıssııanyń kelesi otyrysy qazan aıynyń sońynda Brıýsselde ótýi tıis ekenin aıtty.
Armenııa Ázerbaıjan shekarasyna EO azamattyq mıssııasyn jiberýge kelisti. Ázerbaıjan da osy komıssııamen yntymaqtastyqqa kelisim berdi. Mıssııa óz jumysyn qazan aıynda bastaıdy jáne ony 2 aı ishinde aıaqtaıdy dep kútilýde.