Memleket basshysy Túrkııa Prezıdentiniń memlekettik sapary eki el arasyndaǵy dıplomatııalyq qatynas ornaǵanyna 30 jyl tolǵan mereıli mejemen tuspa-tus kelip otyrǵanyn atap ótti, dep habarlaıdy Egemen.kz Prezıdenttiń baspasóz qyzmetine silteme jasap.
«Biz baýyrlas Túrkııa elimen turaqty memleketaralyq qatynas ornattyq. Bıyldyń ózinde joǵary deńgeıdegi birneshe sapar boldy. Birqatar mańyzdy qujatqa qol qoıyldy. Meniń mamyr aıynda Túrkııaǵa memlekettik saparmen barǵanymdy bilesizder. Sol kezde Rejep myrza ekeýmiz keńeıtilgen Strategııalyq áriptestik týraly birlesken málimdeme qabyldadyq. Túrkııa – Qazaqstannyń óte mańyzdy strategııalyq seriktesi», dedi Prezıdent.
Memleket basshysy Rejep Taııp Erdoǵannyń eki el arasyndaǵy yntymaqtastyqty damytýǵa qosqan úlesin joǵary baǵalaıtynyn aıtyp, Túrkııanyń jahandyq jáne aımaqtaǵy problemalardy sheshýge belsendi qatysyp otyrǵanyna toqtaldy.
Prezıdenttiń aıtýynsha, ekijaqty saýda-ekonomıkalyq jáne ınvestısııalyq yntymaqtastyq – bizdiń baılanystarymyzdyń ózegi. Sondyqtan aldaǵy ýaqytta eki el arasyndaǵy saýda aınalymyn 10 mıllıard dollarǵa jetkizý kózdelip otyr. Memleket basshysy búgingi kezdesý barysynda kólik-tranzıt salasyndaǵy yntymaqtastyqtyń damý perspektıvasyna nazar aýdardy.
«Transkaspıı halyqaralyq kólik baǵdary arqyly tasymaldy ulǵaıtýǵa eki el de múddeli. О́ńirdegi turaqtylyqty saqtaý úshin bul strategııalyq jobanyń zor mańyzy bar. Bıyl 7 aıda osy baǵyt arqyly tasymaldanatyn júk kólemi 2,5 esege artyp, 1 mıllıon tonnaǵa jetti. Osy rette, memleketterimizdiń «Orta dálizdi» damytýy qazir óte mańyzdy», dedi Memleket basshysy.
Kelissózder barysynda jahandyq ózekti máseleler de nazardan tys qalmady. Prezıdent kóptegen halyqaralyq máseleler boıynsha eki eldiń ustanymy jaqyn ekenin atap ótti.
«Biz kópjaqty dıplomatııany odan ári nyǵaıtýǵa erekshe mán beremiz. Eki eldiń seriktestigi Birikken Ulttar Uıymy, Túrki memleketteri uıymy, Azııadaǵy ózara is-qımyl jáne senim sharalary jónindegi keńes sııaqty kópjaqty qurylymdar aıasynda oıdaǵydaı damyp keledi. Erteń Túrkııa Prezıdentimen birge Azııadaǵy ózara is-qımyl jáne senim sharalary jónindegi keńestiń 6-shy Sammıtine qatysamyz», dedi Memleket basshysy.
О́z kezeginde Túrkııa Prezıdenti Qazaqstanǵa jasaǵan memlekettik saparynyń nátıjesine kóńili tolatynyn jetkizdi.
«Biz baýyrlas Qazaqstannyń egemendigin, terrıtorııalyq tutastyǵyn, beıbitshiligi men turaqtylyǵyn árdaıym qoldaımyz. Bizdiń birligimiz ben yntymaqtastyǵymyz máńgilik! Qazaqstan Prezıdentiniń basshylyǵymen júrgizilip jatqan reformalardy joǵary baǵalaımyn. Aldaǵy prezıdent saılaýynyń qorytyndysy Qazaqstanǵa ıgilik ákelsin», dedi Rejep Taııp Erdoǵan.