Ispanııa chempıonatynyń 9-týrynda Madrıdtiń «Realy» men Katalonııanyń «Barselonasy» kezdesti. Osy maýsymdaǵy alǵashqy «El-Klasıkoda» «Real» fýtbolshylarynyń mereıi ústem boldy.
Madrıdtegi 80 myńnan asa jankúıer syıatyn «Santıago Bernabeý» stadıonynda ótken kezdesýde alań ıeleri 3:1 esebimen basym tústi. Birinshi taımda «Real» sapynan Karım Benzema (12-mınýt) men Federıko Valverde (35-mınýt) gol soǵyp, komandasyn esepte alǵa shyǵarsa, ekinshi taımnyń 83-mınýtynda «Barselona» shabýylshysy Ferran Torres esep aıyrmasyn qysqarta aldy. Degenmen 90-mınýtta tóreshi «Barselona» qaqpasyna penaltı belgiledi. 11 metrlik aıyp dobyn Rodrıgo sátti oryndap, oıynnyń núktesin qoıdy.
«Real» bul jeńisinen keıin 25 upaımen Ispanııa chempıonatynda jeke-dara kósh bastady. Bıyl ishki birinshilikte birinshi ret jeńilistiń kermek dámin tatqan «Barselona» 22 upaımen 2-orynda qalyp qoıdy.