Qazaqstan Respýblıkasynyń Syrtqy ister mınıstrligi sondaı-aq QR Úkimeti men Belız Úkimeti vızalyq talaptardy joıý týraly kelisim jobasyn daıyndady, dep habarlaıdy Egemen.kz
Kelisim memleketterdiń azamattary birinshi kelgen kúnnen bastap árbir 180 kúndik kezeń ishinde ekinshi tarap memleketiniń aýmaǵyna 30 kúnge deıin vızasyz kirýge, shyǵýǵa, tranzıtpen ótýge jáne elde bolý múmkindigin qarastyrady.
Bul rette ekinshi taraptyń memleketi aýmaǵynda 30 kúnnen astam bolýǵa nıet bildirgen azamattar onyń aýmaǵynda eńbek nemese kommersııalyq qyzmetti júzege asyrýǵa ne osy eldiń dıplomatııalyq ókildiginen nemese konsýldyq mekemesinen tıisti vıza alýǵa mindetti.
Kelisimge 2022 jyldyń sońyna deıin Qazaqstan men Belız syrtqy ister mınıstrlikteriniń basshylyǵy qol qoıady dep josparlanýda.
Negizdemede qujatqa qol qoıý elder arasyndaǵy tyǵyz yntymaqtastyqty nyǵaıtýǵa jáne dıplomatııalyq, qyzmettik tólqujat ıeleri úshin jeńildetilgen vızasyz tártip ornatýǵa múmkindik beretini aıtylǵan.
Belız – Ortalyq Amerıkanyń shyǵys bóliginde, Karıb teńiziniń jaǵalaýynda ornalasqan memleket. Jaǵalaý aımaǵynda júzdegen tómen ornalasqan marjan araldary bar Belız tosqaýyl rıfi ornalasqan. Eldiń batysynda, djýnglı aımaǵynda Maııa órkenıetiniń kóne qalalarynyń qırandylary bar.